Ак-тал

Википедия деп сайттан
Ак-тал
Эртемде классификациязы
Делегей чергелиг эртемде ады
Ак-тал

Ак-тал (орус. "белый тальник", "ива белая") кижи бүрүзүнге билдингир ыяш, хөй адырларлыг, будуктары эглиичел, узун бүрүлерлиг, бичии сырга хевирлиг чечектерлиг, үрезини бичии хавыкчыгаштарының иштинде. Апрельмайда чечектелир. Үрезини май — июньда быжар. Ак-тал өске талдардан шоолуг ылгалбас, карты ак. Тывада хемнер кыдыында, шык, шынаа черлерде хөй звес үнүп турар. Ол чер болганда үнмейн турар.

Эм шынарлары[эдер | вики-сөзүглелди эдер]

Ак-талдың картында дубильдиг бүдүмелдер, флавоноидтер, гликозид салицин, витамин С бар. Аныяк ыяштарның азы будуктарының картын чулуктаныр үезинде апрельден июнь эгезинге чедир картап алыр. Ынчангаш ооң картын хүнге кургаткаш, ону дөрт чыл чедир шыгжап болур.

Ак-талдың картындан кылган эмнерни эът изиир, шыырныгып, халыыдаар аарыглар үезинде, малярия, ол ышкаш хан төктүүшкүннериниң үезинде подагра болгаш ревматизм аарыглардан аараан үеде ажыглап турар. Оон ыңай дегдириишкиннерге удур, аас ишти, боостаа чаярынга ажыглап турар. Кургаткан 10—15 г ак-тал картын кескилеп алгаш, бир стакан сугга хайындыргаш, бир улуг омааштап бир хүн 3—4 катап ажыглаар болгаш ону шай кылдыр, хайындыргаш, аас ишти, боостаа чайып эмнээринге ажыглап болур.

Дөзү[эдер | вики-сөзүглелди эдер]

  1. Доржу Көк-оолович Куулар, Тана Моңгушевна Куулар - "ЛЕКАРСТВЕННЫЕ РАСТЕНИЯ В ТУВЕ"