Алды үндезин угаан хирлендирикчилери

Википедия деп сайттан

Алды үндезин угаан хирлендирикчилери - буддизмде угаанга хамаарышкан 6 кезектиг билиишкин. Буддизмден дашкаар мооң дугайында оваарымчалыг тайылбырлаар ужурлуг.

Хевирлери[эдер | вики-сөзүглелди эдер]

Алды үндезин угаан хирлендирикчилери:

  1. Хандыкшыл - кандыг-ла бир объектиниң даштыкы азы иштики чаражынга сеткили чышпынып хырбаланып калыры.
  2. Кылык-килең - көөр-хөөн чоктан илереп келир сагыш-сеткилдиң күштүг шуурганы . Ооң тыптыр тос чылдагааны бар.
  3. Өрү көрдүнери - бодалдары биле бодун үрдүнүп алгаш, өскелерни бедиктен көөрү азы болза бедик деңнелдиг кижилерден бичии-ле чавыс мен деп боданыры. Ооң чеди аңгы хевирлери бар.
  4. Медерел чогу - бойдустуң алыс шынын соора угаап чорууру азы болза хандыр сайгарбазы.
  5. Чигзиниг - кандыг бир объектизинге бүзүревейн чоруп бээри азы ыяк кылдыр шиитпир кылып чадажыры. Ооң үш хевири бар.
  6. Шын эвес көрүш - сайгарганының түңнелинде шын эвес түңнел кылып алгаш, ол көрүжүнге шынзыгып калыры. Ооң беш хевири бар.

Дөзүк[эдер | вики-сөзүглелди эдер]

  1. Сарыг Шажын Тывада, 2014 чылдың март 24, 0:39 шак