Бурят дыл

Википедия деп веб-сайттан

Бурят дыл (бурят-моол дыл; дылга адаары буряад-монгол хэлэн, 1956 чылдан тура - буряад хэлэн) - буряттарның база оон-даа өске моол бөлүкке хамааржыр чоннарның дылы. Бурят Республиканың ийи күрүне (орус дыл-биле катай) дылдарының бирээзи. Моол дылдарның соңгу-моол бөлүктеринге хамааржыр.

Ооң мурнунда бурят-моол дыл деп адап турган. Бурят-Моол АССР-ни (1923) Бурят АССР (1956) деп эде адай бергенинде бурят дыл деп адай берген.

Бурят дыл колдуунда Бурятияда, Иркутск облазында база Забайкальск крайында нептерээн.

Буряттар соңгу Моолдың тайга болгаш тайга адаа черлеринде Россия кызыгаарын дургаар Дөрнөд, Хэнтий, Сэлэнгэ болгаш Хүвсгел аймактарында чурттап турарлар[1].

Бурят дылда чугаалажып турар улустуң ниити саны 283 муң ажыг, оларның иштинде 218 557 кижи Россияда, 18 муң ажыг кижи Кыдатта, 46 муңу Моолда.

Тайылбыр[эдер | править вики-текст]

  1. Народы мира: историко-этнографический справочник/Гл.ред. Ю. В. Бромлей — М.: Сов. энциклопедия, 1988


«http://tyv.wikipedia.org/w/index.php?title=Бурят_дыл&oldid=8636» деп адрестен парлаттынган