ВИТАМИН РР

Википедия деп сайттан
Витамин РР, Nicotinamide, 3-Пиридинкарбоксамид, никотинниг кислотаның амиди, C6H6N2O
Никотинниг кислота

ВИТАМИН РР, Никотинамид (орус. Никотинамид, англ. Nicotinamide) — медицинада ону никотинниг кислота деп-даа адап турар. РР витамин үрезиннерде, ногааларда чимистерде хөй. Дириг амытаннардан алдынган аъш-чемнерде оон-даа хөй. Химиктиг тургузуу никотинниг кислотага дөмей, химиктиг формулазы: C6H6N2O.

Улуг улустуң хонукта никотинниг кислотага хереглели 15—20 мг-га деңнеҗир. Никотинниг кислота ферментилер дээр чүүлдерниң, тургузуунда киржип турар чүве болганда, эът-мага-ботка янзы-бүрү хувулуушкуннарга, өскерлиишкиннерге ужур-дузалыг витамин болур. РР витамин эът-мага-ботка чедишпеске, аъш-чем чиир хөөн чидип, улуг-хырын, ижин дужу аарыыр, хөөн булганыр, куду олуртур, эът-мага-бот канчаар-даа аажок шагжокталыр болгаш кижи уттуучал, серемчилел чок апаар. Бо витамин үргүлчү эът-мага-ботка чедишпес болза, пеллагра дээр аарыг тыптып келир. Ынчангаш никотинниг кислотаны пеллагра болгаш чүректиң, өкпениң, улуг-хырынның, нерви системазының, кештиң, карактың аарыгларын болгаш чигир аарыын эмнээринге ажыглап турар.

Дөзү[эдер | вики-сөзүглелди эдер]

  1. Доржу Көк-оолович Куулар, Тана Моңгушевна Куулар - "ЛЕКАРСТВЕННЫЕ РАСТЕНИЯ В ТУВЕ"