Даваа, Каң-оол Тимурович

Википедия деп сайттан

Каң-оол Тимурович Даваа

Портрет
Төрүттүнген хүнү 1963 январьның 7(1963-01-07) (61 хар)

Каң-оол Тимур оглу Даваа ((орус.  Каң-оол Тимурович Даваа англ.  Kaң-ool Timur oglu Davaa 1963 чылдың январь 7-де төр.)Тыва Республиканың Дээди Хуралының (парламентизиниң) даргазы.

Намдары[эдер | вики-сөзүглелди эдер]

К. Т. Даваа 1963 чылдың январь 7-де Тыва АССР-ниң Каа-Хем кожуунда Суг-Бажы сумузунга төрүттүнген. 1981-83 чылдарда Германияга Совет дайынчыларның бөлүү-биле Совет Армияга шериг хүлээлгезин эрттирип турган.

1984 чылда Алтайның күрүнениң эмчи университединче дужаап кирген.

1990-91 чылдарда хирург эмчи кылдыр интернатура эртип, интерн-эмчи кылдыр ажылдап турган.

1991-95 чылдарда Улуг-Хем кожууннуң төп эмнелгезиниң (КТЭ) хирургия салбырынга кезер эмчи кылдыр ажылдап чораан.

1995 чылда Улуг-Хемниң КТЭ-зиниң хирургия салбырының эргелекчизи кылдыр депшээн.

1998 чылда Улуг-Хемниң КТЭ-зиниң кол эмчизиниң эмнээр кезээниң талазы-биле оралакчызы кылдыр томуйлаттырган.

1999-2000 чылдарда Улуг-Хем кожууннуң Төлээлекчилер Хуралының депутады кылдыр соңгуткан.

2000 чылда Тыва Республиканың Улуг Хуралының депутады кылдыр соңгуткан.

2002 чылда Улуг-Хем КТЭ-зиниң улуг эмчизи кылдыр томуйлаттырган.

2002 чылда Тыва Республиканың Улуг Хуралының Хоойлужудулга палатазының депутады, Тыва Республиканың Улуг Хуралының Хоойлужудулга палатазының "Регионнар аразынга харылзаа, тус чер бот-башкарылга болгаш күрүне тургузуунуң талазы-биле комитеттиң" даргазының оралакчызы кылдыр соңгуткан.

2007 чылда «Улуг-Хем кожуунунуң төп эмнелгези» деп кадык камгалалының муниципалдыг удуртулгазының улуг эмчизи кылдыр, а оон улаштыр Тыва Республиканың күш-ажыл болгаш социал политика яамызының сайыды кылдыр томуйлаттырган.

2010 чылдың октябрь 21-де Тыва Республиканың Улуг Хуралының (парламентизиниң) I-ги чыыжының бирги организастыг хуралының даргазы кылдыр соңгуткан.[1][2].

Дөзү[эдер | вики-сөзүглелди эдер]

  1. Постановление Верховного Хурала (парламента) Республики Тыва № 4 ВХ-I
  2. Тувинский парламент выбрал спикера