Кызыл-тас
Кызыл-тас (орус. Пшеница) чаңгыс чылдыг үнүш, уну дорт, чүстелчек, бүрүзу узун, чиңге, калбаксымаар, шугумналчак, чечээ нарын. Тывага шаг-шаандан ону улус чем кылдыр ажыглап келген.
Кызыл-тастың тургузуунда белок—13%, углевод — 66%, үс—1,5%, клетчатка—3%, минералдыг дустар (фосфор, калий, магний болгаш өске-даа), ферментилер, В1 В3, Е деп витаминиер бар. Оон үзүнде Е витамин база бар. Далганындан крахмал болгаш янзы-бүрү чемнерни кылып үндүрүп турар. Кызыл-тастың каржаңын азы чарбазын мал чемгереринге, ооң саваңын мал дөжээнге салырынга, шляпа, корзинка аргыырынга болгаш оон-даа өске чүүлдерге ажыглап турар.
Профессор Л. М. Певзнернин айтып турары-биле алырга, оон витаминниг суун ижерин улуска сүмелеп турар. Кызыл-тастыц үстүг суу подагра, чүстер аарыгларынга эки дээштиг. Улус өл-шык, соокка алысканда, чөдүрер, азырар апарганда ажыглап турар. 200 г чарба азы каржаңын 1 литр хайнып турган сугга ургаш, бир шак хайындыргаш, сооткаш, марля азы шүүрге шүүрепкеш, артыын база катап сооткаш, оон квас база кылып болур. Орта 0,5 литрге 5 г дрожжи болгаш 25 г чигир немээр.
Дөзү
[эдер | вики-сөзүглелди эдер]- Доржу Көк-оолович Куулар, Тана Моңгушевна Куулар - "ЛЕКАРСТВЕННЫЕ РАСТЕНИЯ В ТУВЕ"