Рибера, Хосе де

Википедия деп веб-сайттан
Хосе Рибера

Хосе де Рибера (Хусепе де Рибера, шолазы Spagnoletto - "бичии испан"; 1591-1652)- испан чурукчу, барокко стильдиң алдар-сураглыг төлээ. Валенсиядан Рибальтаның өөреникчизи, чурукчу уран мергежилин Италияга хөгжүткен.

1591 чылдың январьның 12-де Валенсия чоогунда Хативага төрүттүнген. 1613 Италияже чорткаш олчаан анаа чурттап артып калган. Неапольга духовенство болгаш мадрид ызыгуурларның чагыткан ажылдарын кылып чораан. Ооң чуруктарының кол кезээ Прадо музейде болгаш Неапольдуң церковьтарында шыгжаттынып турар. Герцог Осунуң амы-хуу чурукчузу кылдыр санаттынып чораан. Рибераны ылгап турар чүүл - ооң чуруктарында чаа хилинчектенип турар улустуң эрге-шөлээзи мага-боттуң аарырын тиилеп турарын көргүскен.

Рибера чуртталгазында хөй хоп чугааларга таваржып чораан, чүге дизе ооң ажылдаар методтары улуска чиктиг турган. Көвей чылдар тургузунда ол кара-бажыңнар кезип, шаажыладып турар улус боттарын канчаар алдынарын шинчилеп, оларны чуруп турган.

Чуруктарының тематиказы аңгы-аңгы: античность, Ветхий, Новый завет, богда улустуң чуртталгазындан сценалар.

Караваджизм угланыышкынның чурукчу аргаларын ажыглап чуруп чораан.

Сөөлгү чылдарын Неаполь чоогунда бир суурга чааскаан чурттап эрткен.

Бир ажылы
Хосе де Рибера 026
«http://tyv.wikipedia.org/w/index.php?title=Рибера,_Хосе_де&oldid=9404» деп адрестен парлаттынган