Сөөскен хаак бүрүлүг

Хаак бүрүлүг сөөскен чурумалы

Сөөскен хаак бүрүлүг (орус. Таволга иволистная, Спирея иволистная) - чадаң-даа, узун-даа хөй чылдыг Розалыглар аймаанга хамааржыр сөөскен оът үнүштүң бир янзызы. Бедии 1-3 м. Хүрең будуктарлыг чадаң ыяш. Бүрүлери эллипс-ланцет хевирлиг, сүүр, кыдыглары хирээленчек-диштелчек. Сывының ажында аглаглар башта ягаан өңнүг чечектери чыгдынган.

Колдуунда Соңгу чартык-бөмбүрзектиң талазында өзүп турар.

Өзүп үнүп турар черлери

Колдуунда ховуларга, тарамык ыяштарлыг аалактарга, чадаң ыяштарлыг шыргайларга база хаяларга.

Эм кылдыр ажыглаары

Эм кылдыр хереглеттинер чүүлдери дээрге: чечектерлиг будуктары.

Чечектелири: июньнуң ийиги чартыы - июль.

Белеткээр үелери: май-июль.

Кыдат медицинада ажыглаары

Чечектелип турар үеде хаак бүрүлүг сөөскенни чыггаш, чуггаш, хээндектээш, кургадыр. Ону хандылааш, өл чөдүлге ижип эмненир. Ажыглаар хемчээли: 9-10г. Сугга хандылааш, өл чөдүлге ижип эмненир.

Дөзүк

1. Серенот Станислав К. "Тыва улусчу эмнээшкин:эм оъттар, үнүштер, чааттар, мөөгүлер; моол, тибет, кыдат улусчу медициналар-биле чергелештирип бижээни". Тываның ном үндүрер чери, 2009. ISBN 5-7655-0636-4