Өлчей удазыны

Өлчей удазыны

Өлчей удазыны - Буянныг сес демдектериниң бирээзи, оран-таңдының, чер-бойдустуң дүп чок эгези болгаш бүгү өртемчейниң төнчү чок демдээ база эртем-билигниң эгези, төнчүзү, дүвү, кызыгаар чогун илереткен демдек. Ооң өске утказы, өртемчейде бүгү-ле бар материалдыг чүүлдер биле хоозун-шынарның бот-боттарынга хамаарылгалыг харылзаазын илереткен.

Өлчей удазынның хевирлери

Өлчей удазынның хевирлери ооң чуруундан ылгалыр. Чуруур хевирлери ооң нарынындан, хемчээлинден база ээй долгаанындан элээн көвей болур.

1. "Хөй хана-карактыг өлчей удазыны". Ниити адын «Түмен өлчей удазыны» деп адаар.
2. «Чыдып алган, тудушкак өлчей удазыны»;
3. «17 карактыг өлчей удазыны»;
4. «Аргыглыг чүң»;
5. «Аргыглыг хонаш»;
6. «Аргыглыг бүдүн хонаш»;
7. «Булуңнуг өлчей удазыны»;
8. «Тудушкак булуңнуг, доора салган өлчей удазыны».

Дөс

1. Адыг-Түлүш Л.С. Тыва чоннуң угулзалары, хээлери. Кызыл, 2017
2. Четки-сайт www.buddhanet.net/e-learning/history/b8symbol