Аббуд, Карима
|
Карима Аббуд | |
|---|---|
|
ар. كريمة عبّود | |
 | |
| Төрүттүнген хүнү | 1893 ноябрьның 18[1] |
| Мөчээн хүнү | 1940[2] |
| Чурт | |
.svg){kind=small}
.svg){kind=small}
Карима Аббуд (ар. كريمة عبّود) (1896, Шефарам — 1940, Назарет) — палестин фотограф, Палестинада бир дугаар херээжен фотограф. «Леди-фотограф» («Lady Photographer») деп улуска сурагжаан.
Намдары
[эдер | вики-сөзүглелди эдер]
Асад Аббуд деп протестант шажынчы кижиниң өг-бүлезинге Шефарам деп хоорайга төрүттүнген.
Өг-бүлези аңгы-аңгы черлерже көжүп чоруп турган. Соонда барып, 1905 чылда Вифлеемге турумчуп чурттай бергеннер.
1913 чылда Карима 17 харлап тургаш, ачазындан белек кылдыр бир дугаар фотоаппарат алган. Оон эгелээш-ле төрелдерин, эш-өөрүн, долгандыр бойдусту тырттырып эгелээн. Баштайгы чуруктары 1919 чылдарда көстүп эгелээн. Иерусалимге Шмидттиң уруглар школазын дооскан. Соонда Бейрутта американ университетке араб филология өөренип турган. 1940 чылдарда, ада-иези чок болганда, ол Иерусалимче көже бергеш, оон дедир Вифлеемге келген.
Назаретке 1955 чылда чок болган.
Чурук тырттырар уран чүүлү
[эдер | вики-сөзүглелди эдер]1930 чылдарның эгезинден ол чурук тырттырарын профессионал деңнелде кылып эгелээн. Ылаңгыя Назаретке ооң ат-сураа үнүп эгелээн. Ажыдып алган студиязынга ол кыс улустуң, чаш улустуң чуруктарын тырттырып турган, база ол ышкаш куда-дой дээш оон-даа өске байырлалдар тырттырып ажылдап турган. Кижилер чуруктарындан өске ол Ближний Востоктуң хоорайларын база тырттырып турган (Вифлеем, Назарет, Баальбек, Тверия дээш о.ө.). Тырттырган чуруктарын хол-биле будуп турган.
Чүс-чүс чуруктарны тырттырган, оларның хөй кезии Арабо-израиль дайынынга читкен (1947—1949).
2006 чылда Иерусалимге Аббудтуң 1930-1948 чылдарда чурттап турган бажыңындан 400 хире чуруктарны тыпкан.
