Албыс

Албыс (от Майык:Lang-trk) — мифологияда тюрк болгаш чамдык кожа-хөлбээ чоннарның кара сагыштыг херээжен сүнезиннер. Колдуунда узун агып чыдар сарыг чаштыг болгаш дүжүп турар эмиглерлиг каржы-дошкун херээжен кижи кылдыр көстүр. Чамдыкта албасты овур-хевирин үш карак база узун дыргактар-биле немеп турган. Ол ышкаш эш-өөрнүң база төрелдерниң дүрзүзүн хүлээп болур. Дүштерге көстүп кээр база тынып, хөректи базып турар. Коранда база дүштерни бужартадып, уйгу болдурбас джиннер деп бижээн.

Албыс аңгы-аңгы чоннарның мифологияларында

Албастының овур-хевири эрте-бурунгу үелерден эгелээн болгаш хөй чоннарның мифологияларында бар:

• аварлар (Майык:Lang-av)
• азербайджаннар (азерб. albasdı, хал, халанасы́),
• алтайлар,
• армяннар (арм. Ալք — алы, алк),
• башкирлер (башк. албаҫты — албасты),
• белуджей (алг, мерак),
• вайнахтар (чеченнер-биле ингуштар) (алмазы),
• грузиннер (али),
• казахтар (каз. албасты),
• каракалпактар,
• карачайлар биле балкарлар (алмасты́),
• киргизтер (албарсты́),
• крым татарлар,
• кумыктар (албаслы́),
• курдтар (hал анасы, алк),
• моол чоннар (алмас),
• лезгин (ал паб),
• ногайлар (албаслы́),
• сибирь татарлар,
• перстер (ал),
• орустар (албаста, лобаста, лобоста, лопаста),
• рутульдар (албасти),
• таджиктер (албасти),
• талыштар (ала жен),
• таттар (ол),
• татарлар (тат. албасты),
• тывалар (албыс),
• турктар (тур. albastı),
• туркменнер (ал, албассы́),
• удиннер (hал),
• удмурттар,
• узбектер (албасты́, алвасти́),
• уйгурлар (албасты́, алвасти́),
• чуваштар (чуваш алпастă),
• ягнобтар (албасты, олбасты),
• якуттар (саха: абааһы — абасы, абаасы).

Орус мифология

Д. К. Зеленин орус албастаны русалка-биле деңнеп каанМайык:Rp, Е. Е. Левкиевская база Л. Н. Виноградова аңаа чедишпес чылдагааннар бар деп удурланган болгаш албастаны хамаарышпас овур-хевир кылдыр хүлээп алган.Майык:Rp. Д.К. Зеленин биле М.Н.Власованың бодалы-биле алырга, орустар чүгле ол атты үлегерлеп алган чадавас, ону эвфемизм кылдыр ажыглап турган, чүге дизе сүнезинниң шын аттарын адаары хоруглуг турган, а олар ниити демдектерин, чижээлээрге,улуг эмиглерни, хире-хире эктиниң кырынче октапкан, узун холдар болгаш бедиин, делегей чергелиг деп санап турганнар.

Вятка губернияда алба́стый, лоба́стый, лопа́стый лешего деп адап турган. Уралдың чамдык черлеринде лопастики деп сөс бүгү арыг эвес күштер, азаларга тарап үнген.

Тыва мифология

Албыс алтай база тыва мифологияда — аза кадайның аналогу. Албыс эр-кыс ылгалып болур, эр кижи-биле ужуражырда кыс кижиниң овур-хевирин кедип алыр, а кыс кижи-биле ужуражырда эр кижиниң овур-хевирин кедип алыр. Оон ыңай, олар тускай кижиниң овур-хевирин ап болур-чижээлээрге, аңчыга аңчының кадайы көстүп кээр. Бодунуң бойдустан тывылган хевиринде оларның ээгилериниң кырынче октап болур, улуг, узун эмиглерлиг, кызыл чаштыг база үстүкү эрни чарылган. Чамдыкта чес дыргактарлыг болгаш думчук-биле чуруп каан болур. Албыс аңчыга аас-кежикти эккеп болур. Аңчыга чемни белеткээр:ооң ээгилеринден кескен эът, база ооң эмиглеринден үндүрген сүт. Албыс кижиже база кире берип болур, аар аарыгга чедирип болур. Бир эвес албысты адыптар болза, ол сарыг кидистиң кезээ апаар..

Башкир мифология

Албыс узун, шыпшың сарыг чаштыг, дискектеринге чедир дүжүп турар эмиглерлиг херээжен кижиниң овур-хевиринге көстүп турар, эвээш кезиинде-узун мыйыстыг эр кижи. Албыс дириг амытаннарның азы аңгы-аңгы дириг эвес чүүлдерниң хевирин база хүлээп болур.

Башкирлерниң чүдүлгези-биле алыр болза, албыс дээрге айыыл-халапка таварышкаш, хилинчектенип өлүп калган түңнелинде азы хөөржүдүлге ёзулалдарын сагывайн ажаап каан кижиниң аян-чорукчу сүнезини болур. Чижэлээрге, ол читкен сүнезин азы сугга дүжүп калган кижиниң сүнезини болур.

Албыстың доктаамал демдектери болза илби-шидилиг ном,баш шүүрү, көпеек. Тоолчургу чугаа ёзугаар, ооң баш шүүрүн ээлеп алган кижи, албысты бодунга бараан кылдыр албадап болур.

Д. ф. Ф. Г. Хисамитдинованың бодалы-биле алырга, «албасты» деп сөс аlур basty — дорт утказы «гигант чыпшыр баскан» деп сөске хамааржыыр.

Бурунгу үеде албасты үнүш үнүүчелиниң эки бурганы база одагның камгалакчызы бооп турган. Ынчалза-даа эки бурган ооң соонда бодунуң мөгейикчилерин чидирип алган база адаккы сүнезиннерниң бирээ каржы ролюнче шилчий берген. Чүдүлгениң солчууру-биле база башкир чоннуң мифологтуг көрүжү өскерилгени-биле ооң кара сүнезиннерниң бирээзинче шилчий берген..

Шөлүглер

• Басилов В. Н. Албасты Архивтен хоолга, 30 Бир айның 2012 – Wayback Machine // Мифологический словарь/ Гл. ред. Е. М. Мелетинский. — М.:Советская энциклопедия, 1990. — 672 с.
• Напольских В. В. Удмуртские этимологии Архивтен хоолга, 10 Дөрт айның 2011 – Wayback Machine (см. п. 1.2 Албасты)
• Хисамитдинова Ф.Г. Мифологический словарь башкирского языка Архивтен хоолга, 9 Он бир айның 2016 – Wayback Machine. — М.: Наука, 2010. — 456 с.