Кара–оол–Түлүш, Софья Дакпай–оол кызы

Википедия деп сайттан

Софья Дакпай–оол кызы Кара–оол–Түлүш

Портрет
Төрүттүнген хүнү 1963 июльдуң 13(1963-07-13) (60 хар)
Чурт
Ашаа азы кадайы Дулуш, Игорь Дыртык-оолович[d]

Софья Дакпай-оол уруу Кара-оол-Түлүш (орус.  Софья Дакпай-ооловна Кара-оол-Түлүш англ.  Sof'ya Dakpaj-ool uruu Kara-ool-Tүlүsh июль 13, 1963 чылда төр.) — Тыва Республиканың Улустуң артизи, делегей чергелиг мөөрейлерниң лауреады, В.Тока аттыг күрүнениң симфония оркестриниң, ТР Чазааның Үрер хөгжүм оркестриниң солизи, Кызылда Элээди көрүкчүнүң театрында (Театр юного зрителя, ТЮЗ) вокал (ыры)талазы-биле башкылап ажылдап турар.

Намдары[эдер | вики-сөзүглелди эдер]

Софья Дакпай-ооловна 1963 чылдың июль 13-те Тыва АССР-ниң Улуг-Хем кожууннуң Шагаан-Арыг хоорайга киномеханик Кара-оол Дакпай-оол Түлүш-оглу биле башкы Ыдамчык Светлана Түлүш-уруу сугларның өг-бүлезинге төрүттүнген. Баштай ол адазының төрээн черинге — Улуг-Хем кожуунда Кара-Тал деп суурга чурттап турган, ооң соонда авазының төрээн чери Көк-Чыраага. Ол чажындан тура уран чүүлге бот өөренип келген. Баштай Көк-Чырааның сес чыл школазынга өөренгеш, Шагаан-Арыг №2 ортумак школазынга 9-10 класстарны өөренгеш, 1981 чылда дооскан. Бир чыл ишти Шагаан-Арыгның культура бажыңынга АКБ-ге (Агитационно-культурная бригада) методистеп ажылдаан.

1982-83 чылдарда Гнесиных аттыг хөгжүм училищезиниң «хөгжүмчү комедияның артизи» салбырынга өөренген. 1984 чылда Кызылдың А.Б.Чыргал-оол аттыг уран чүүл училищезиниң «академический вокал» салбырынче, Тыва АССР-ниң алдарлыг артизи Серафима Андреевна Калининаның клазынче дужаап кирген.

1988-1990 чылдарда «Улу чылы» база «Интернат» рок-хөгжүмчү бөлүктерниң солизи турган. 1990 чылдан эгелеп Күрүнениң ыры-сам ансамбли «Саяннарга» ажылдаан. 1993-98 чылдарда Тываның Күрүне Филармониязының лекторийлиг хогжум болуунге солист бооп ажылдаан. 1998 чылдан тура В.Тока аттыг күрүнениң симфония оркестриниң солизи болуп ажылдап турар.

2003 чылдан эгелээш Абакан хоорайда РФ-тиң культуразының алдарлыг ажылдакчызы Андрей Штарктың удуртулгазында муниципалдыг концерт оркестри-биле кады ажылдажылгазын эгелээн. Ол-ла чылын Кызылдың ТЮЗ-ка вокал (ыры) башкылап эгелээн, «Бременские музыканты», «Урико-Химеко», «Мой друг - Золотой олень» деп шиилерни тургускан. 2008 чылдан эгелеп ТР үрер хөгжум оркестриниң солизи болуп турар.

2012 чылда культура болгаш уран чүүлдүң Чөөн-Сибирьниң Күрүне Академиязын дооскан.

Дөс[эдер | вики-сөзүглелди эдер]