Европа

Европа — чырык черниң кезии, шөлү - 10 сая км², чурттакчылары 740 сая кижи (Черниң чурттакчыларының 10 хуузу). Азия биле кады Евразия дипти тургузуп турар.

Этимология

Европа деп ат бурунгу грек төөгүлерниң маадыры, Зевске оорлаттыргаш Крит ортулуунче аппартынган, Европа даңгынага тураскааттынган.

Европа Атлант болгаш Соңгу Доштуг океаннарга база оларның далайларынга шаптаттырып турар.

Ортулуктарның шөлү - 730 муң км². Чартык ортулуктарже Европаның девискээриниң улдуңу кирип турар (Кол, Скандин, Пиреней, Аппенин, Балкан д.о.ө.).

Ортумак бедии 300 м, эң бедии (Европаның кызыгаарын Кумо-Маныч дүжүлгекке чоргузар болза) — 4808 м, Монблан даг, азы (Европаның кызыгаарын Кавказ сыннарынга чоргузар болза) — 5642 м, Эльбрус даг, эң чавыс чер −27 метр (Каспий далай).

Оргулар колдап турар (улуглары — Чөөн Европей, Ортаа европей, Ортаа и Алдыы дунай, Париж бассейн), даглар девискээрниң 17 хуузун эжелеп турар (кол сыннары — Альпы, Кавказ, Карпат, Крым, Пиренеи, Апеннин, Урал, Скандин даглар, Балкан чартык ортулуктуң даглары). Дириг оттуг даглар Исландияда болгаш Ортаа далайжылда бар.

Кол хемнер: Волга, Дунай, Урал, Днепр, Барыын Двина, Дон, Печора, Кама, Ока, Белая, Днестр, Рейн, Эльба, Висла, Тахо, Луара, Одер, Неман.

Улуг хөлдер: Ладож, Онеж, Чуд, Венерн, Балатон, Женев.

Европаның күрүнелери

Барыын Европа Чөөн Европа Соңгу Европа Мурнуу Европа Чартыы-биле Европада

Австрия	 Белоруссия	 Дания	         Албания	     Азербайджан 	 
Бельгия	 Болгария	 Исландия	 Андорра	     Грузия  
Великобритания
Республиказы	 Венгрия	 Латвия	       Босния и Герцеговина  Казахстан 	
Германия	 Молдавия	 Литва	          Ватикан	     Россия	
Ирландия	 Польша	         Норвегия	  Греция	     Турция 	
Лихтенштейн	 Россия[26]	 Финляндия	  Испания		
Люксембург	 Румыния	 Швеция	          Италия		
Монако	         Словакия	 Эстония	  Македония		
Нидерланды	 Украина		          Мальта		
Франция	 Чехия		                  Португалия		
Швейцария			                  Сан-Марино		

Сербия Словения Хорватия Черногория