Хүндүткел төрел аттары

Адазының болгаш иезиниң ажы-төлүнге, дөргүл-төрелинге база ха-дуңмазынга хамаарышкан хүндүткел аттары.

Чаңгыс аданың, чаңгыс иениң ажы-төлү:

• Акым - бодундан улуу.
• Шаны, шанылар - эр төрел алышкылар оолдары.
• Угбам - бодундан улуу.
• Оол дуңмазы, кыс дуңмазы - бодундан бичези.
• Чаавам - акызының кадайы.
• Честем - угбазының ашаа.
• Чээним - угбазының азы кыс дуңмазының оолдары, кыстары, бодундан биче назылыг.
• Каты - кадайының адазы азы акылары.
• Кат-ие - кадайының иези азы угбалары.
• Бег - ашааның адазы азы акызы, акылары.
• Кунчуг - ашааның авазы азы угбазы, угбалары.
• Келин - оглунуң кадайы.
• Күдээ - уруунуң ашаа.
• Бажа - кадайының угбазын азы кыс дуңмазын алган эр кижи.
• Бажашкылар - угбашкылар алган эр улус.
• Чуржу - кадайының азы ашааның оол азы кыс дуңмазы.
• Чуржулары - кадайының азы ашааның оол, кыс дуңмалары.
• Даай-авалар - авазының кады төрээн угбалары болгаш кыс дуңмалары. Допчулап чугаалаарга, ие төрелиниң кыс кижилери даай-авалары болур.
• Даай - авазының кады төрээн акызы болгаш оол дуңмалары.
• Даайлары - авазының кады төрээн акылары болгаш дуңмалары болур.

Дөс

Кенин-Лопсаң М.Б. "Тыва улустуң бурунгу ужурлары"