Ойдан-оол, Хөвеңмей Моңгушевич

Википедия деп сайттан
(Хөвеңмей Ойдан-оол арындан шилчээн)

Хөвеңмей Моңгушевич Ойдан-оол

Төрүттүнген хүнү 1938 октябрьның 25(1938-10-25)
Мөчээн хүнү 2010 январьның 12(2010-01-12) (71 хар)

Хөвеңмей Моңгушевич Ойдан-оол (октябрь 25, 1938 чыл – ?) — тыва шүлүкчү, чогаалчы, журналист. Тыва Республиканың Чогаалчылар эвилелиниң база ССРЭ-ниң Журналистери эвилелиниң кежигүнү.

Х. Ойдан-оол 1938 чылдың октябрь 25-те Тыва Арат Республиканың Чөөн-Хемчик кожуунда Дагыр-Шемиге төрүттүнген. Чадаананың 2 дугаар школазын дооскаш, Кызылда күрүнениң башкы институдунга, Москвада журналистерниң Дээди курстарынга өөренип чораан. «Тываның аныяктары» солуннуң корреспондентизинге, Тыва радионуң улуг редакторунга, партия обкомунуң идеология килдизинге, «Улуг-Хем» альманахтың редколлегиязынга ажылдаан. Дерзиг-Аксы, Хөнделең, Бай-Хаак школаларынга өөредилге эргелекчилээн. Ак-Довурактың 1 дугаар школазынга тыва дыл, литература башкылаан.

Х. Ойдан-оолдуң чогаалдары республика солуннарынга, «Улуг-Хем» альманахка үнгүлээн. 1967 чылда «Оттуг-Мыйыс» деп баштайгы ному үнген. 1980 чылда «Чаптанчыг Уранмаа» деп ному база парлаттынган. К. Чуковскийниң шүлүктерин, алтай, моол чогаалчыларның чогаалдарын тыва дылче очулдурган.

Дөс[эдер | вики-сөзүглелди эдер]

  1. «Тываның чогаалчылары / Писатели Тувы» 2000 чылда үнген ном