Шериг ат-дужаал
Шериг ат-дужаал дээрге шериг албанныгның азы курлавырда (халажылгада) шериг хүлээлгелигниң өске шериг албанныгларга туружун тодарадып турар ат-дужаалы. Ону чеспектиг күштерге шериг албанын эрттирип турар (азы шериг албанын эрттирер дээш шериг өөредилге черлеринге болгаш оларга деңнештирген черлерге өөренип турарларга) хамааты бүрүзүнге ооң албан туружу-биле, шериг азы тускай белеткели-биле, чеспектиг күштерниң хевиринге, чеспектиг күштер хевириниң шериглер төрелинге азы албанның хевиринге (төрелинге) дүүштүрүп хууда тыпсып турар болгаш хууда күрүнениң азы албанның ачы-хавыяазын барымдаалап тыпсып турар.
Шериг ат-дужаалдың тыпсыр чуруму күрүне бүрүзүнде ук күрүнениң хоойлунуң ёзу-чуруму-биле тодараттынып турар.
Шериг албанныгларны аңгы-аңгы күрүнелерниң чеспектиг күштеринде шериг ат-шолазы ёзугаар ылгаарда шериг ат-шоланың ылгавыр демдектерин ажыглап турар. Ол демдектерге – эгиндектер (погоннар), чең биле хөрек демдектери: белги-демдектер (эмблема, символ), каас-кожаалар (галуннар), үшкүлдер (шевроннар) болгаш оон-даа өске шериг хептиң кезектери хамааржыр.
Чамдык шериг ат-дужаалдарны күрүнелерниң хөй кезиинде дөмей адап турар. Чижээлээрге: лейтенант, капитан, майор, генерал, маршал деп шериг ат-дужаалдар.
Турк шериг ат-шолалар
[эдер | вики-сөзүглелди эдер]Осман шеригде (1878-1920 чч.) ажыглап турган шериг ат-дужаалдар:
| Дугаары | Турк шериг ат-дужаал | Ооң тайылбыр-очулгазы | Амгы орус шериг ат-дужаал дүүшкээ |
|---|---|---|---|
| 1 | Мүшир (müşir, müşür) | арап дылдан үлегерлеп алган | маршал |
| 2 | Биринджи ферик (birinci ferik) | бирги ферик | армия генералы |
| 3 | Ферик (ferik) | салбыр, бөлүк дээн арап сөс | генерал-лейтенант |
| 4 | Мирлива (miriliva) | тук баштыңы дээн арап сөс | генерал-майор |
| 5 | Миралай (miralay) | полк баштыңы дээн арап сөс | полковник |
| 6 | Каймакам (kaymakam) | сайыт, төлээ дээн арап сөс | биче полковник |
| 7 | Бинбашы (binbaşı) | муңнуң баштыңы | майор |
| 8 | Колагасы (kolaǧası) | шеригниң агазы (старшиназы) азы улуг кижизи | штабс-капитан |
| 9 | Йүзбашы (yüzbaşı) | чүстүң баштыңы | капитан |
| 10 | Мүлазым и-эввель азы биринджи мүлазым (mülazım-ı evvel / birinci mülazım) | бирги мүлазым (эш, немелделиг, кошкан дээн уткалыг арап сөс) | улуг лейтенант |
| 11 | Мүлазым-ы сани или икинджи мүлазым (mülazım-ı sani / ikinci mülazım) | ийиги мүлазым | лейтенант |
| 12 | Башчавуш (başçavuş) | кол чавуш | старшина |
| 10 | Башчавуш муавини (başçavuş muavini) | кол чавуштуң дузалакчызы (муавин – дузалакчы, оралакчы дээн арап сөс) | старшинаның дузалакчызы |
| 11 | Чавуш (çavuş) | чавуш азы чабыш – медээчи, дыңнадыкчы, чарлыкчы дээн буруңгу түрк сөс | сержант |
| 12 | Онбашы (onbaşı) | оннуң баштыңы | капрал |
| 13 | Нефер (nefer) | кижи дээн арап сөс | дайынчы |
Амгы турк шеригниң ажыглап турар шериг ат-шолалары:
| Дугаары | Турк шериг ат-дужаал | Ооң тайылбыр-очулгазы | Амгы орус шериг ат-дужаал дүүшкээ |
|---|---|---|---|
| 1 | Марешал (mareşal) | француз дылдан үлегерлеп алган | маршал |
| 2 | Оргенерал (orgeneral) | орда (армия) генералы | армия генералы |
| 3 | Коргенерал (korgeneral) | корпус генералы | генерал-полковник |
| 4 | Түмгенерал (tümgeneral) | түмен (дивизия) генералы | генерал-лейтенант |
| 5 | Туггенерал (tuğgeneral) | тугай (бригада) генералы | генерал-майор |
| 6 | Албай (albay) | алай байы (полк дээргизи) дээн сөс | полковник |
| 7 | Ярбай (yarbay) | ярдымджы бай (дузалакчы дээрги) дээн сөс | биче полковник |
| 8 | Бинбашы (binbaşı) | муңнуң баштыңы | майор |
| 9 | Йүзбашы (yüzbaşı) | чүстүң баштыңы | капитан |
| 10 | Үстегмен (üsteğmen) | үстүкү тегмен | улуг лейтенант |
| 11 | Тегмен (teğmen) | дегмек (дээр, чедер) дээн сөстен укталган | лейтенант |
| 12 | Астегмен (asteğmen) | адакы тегмен | биче лейтенант |
| 13 | Башчавуш (başçavuş) | кол чавуш | старшина |
| 14 | Үсчавуш (üsçavuş) | үстүкү чавуш | улуг сержант |
| 15 | Чавуш (çavuş) | чавуш азы чабыш – медээчи, дыңнадыкчы, чарлыкчы дээн буруңгу түрк сөс | сержант |
| 16 | Ассубай чавуш (assubay çavuş) | адакы офицер чавужу дээн турк сөс | биче сержант |
| 17 | Онбашы (onbaşı) | оннуң баштыңы | капрал |
| 18 | Эр (er) | эр, солдат дээн турк сөс | дайынчы |
Моол шериг ат-шолалар
[эдер | вики-сөзүглелди эдер]Амгы моол шеригниң ажыглап турар шериг ат-шолалары:
| Дугаары | Моол шериг ат-дужаал | Ооң тайылбыр-очулгазы | Амгы орус шериг ат-дужаалга дүүшкээ |
|---|---|---|---|
| 1 | Өрлөг | маадыр (Чиңгис-хаанның 9 эң үстүкү чанчыннарның шериг дужаал ады) дээн моол сөс | маршал |
| 2 | Армийн генерал / цэргийн жанжин | шериг (армия) генералы | армия генералы |
| 3 | Хурандаа генерал / хурандаа жанжин | хуураңдаа генерал (чанчын) | генерал-полковник |
| 4 | Дэслэгч генерал / дэслэгч жанжин | дестекчи генерал (чанчын) | генерал-лейтенант |
| 5 | Хошууч генерал / хошууч жанжин | кожуучу генерал (чанчын) | генерал-майор |
| 6 | Хурандаа | хуураңдаа (хуаран даа – штаб даргазы) дээн моол сөс | полковник |
| 7 | Дэд хурандаа | оралакчы хуураңдаа дээн моол сөс | биче полковник |
| 8 | Хошууч | кожуучу, маңнайжы, мурнакчы дээн моол сөс | майор |
| 9 | Ахмад | улуг кижи, акы дээн моол сөс | капитан |
| 10 | Ахлах дэслэгч | улуг дестекчи дээн моол сөс | улуг лейтенант |
| 11 | Дэслэгч | дестекчи, ийи дугаар кижи дээн моол сөс | лейтенант |
| 12 | Бага дэслэгч | биче дестекчи | биче лейтенант |
| 13 | Ахлагч | ага, ак-сал, старейшина, улуг кижи дээн моол сөс | старшина |
| 14 | Ахлах түрүүч | улуг башчы дээн моол сөс | улуг сержант |
| 15 | Түрүүч | башчы дээн моол сөс | сержант |
| 16 | Бага түрүүч | биче башчы дээн моол сөс | биче сержант |
| 17 | Ахлах байлдагч | улуг тулчукчу дээн моол сөс | капрал |
| 18 | Байлдагч | тулчукчу дээн моол сөс | дайынчы |
Орус казак шериг ат-шолалар
[эдер | вики-сөзүглелди эдер]Орус казак шеригниң ажыглап турар шериг ат-шолалары:
| Дугаары | Орус казак шериг ат-дужаал | Ооң тайылбыр-очулгазы | Амгы орус шериг ат-дужаалга дүүшкээ |
|---|---|---|---|
| 1 | Казачий генерал | казак генерал | генерал-майор |
| 2 | Полковник | курганчы деп түрк сөс | полковник |
| 3 | Войсковой старшина | колагасы (шериг старшиназы) деп түрк шериг аттың орус очулгазы | биче полковник |
| 4 | Есаул | йаса огул (чазаг оол дээн ат-дужаал; чазаг дээрге Чиңгис-хаанның Яса дээр хоойлу-дүрүмүнүң тыва ады; оол – 1) бир кижиниң оглу; 2) эң биче чергениң шериг кижизи – солдат) дээн түрк сөс | майор |
| 5 | Подъесаул | биче чазоол | капитан |
| 6 | Сотник | чүс-бажы | улуг лейтенант |
| 7 | Хорунжий | оруңгужу азы тукчу (оруңгу – ийи азы үш адыр салбактыг тук; орус: хоругвь) дээн түрк сөс | лейтенант |
| 8 | Подхорунжий | биче оруңгужу дээн моол сөс | биче лейтенант |
| 9 | Старший вахмистр | улуг хараал-беги | улуг старшина |
| 10 | Вахмистр | wachtmeister (хараал азы доскуул даргазы) деп герман сөстен укталган. Түрк шериглерде аңаа караул-беги деп ат-дужаал дүгжүп турган | старшина |
| 11 | Младший вахмистр | биче хараал-беги | биче старшина |
| 12 | Старший урядник | улуг чазалчы дээн орус сөс | улуг сержант |
| 13 | Урядник | чазалчы дээн орус сөс | сержант |
| 14 | Младший урядник | биче чазалчы дээн орус сөс | биче сержант |
| 15 | Приказный | буюрук деп буруңгу түрк шериг аттың орус дылче очулгазы | ефрейтор |
| 16 | Казак | казгак (олчажы) дээн буруңгу түрк сөс | дайынчы |
Ажыглаан номнар болгаш чүүлдер
[эдер | вики-сөзүглелди эдер]- Ганичев П.П. – Воинские звания. – М., 1989.
- Древнетюркский словарь. – Л.: Изд. «Наука», Ленингр. отд., 1969.
- Кручкин Ю. Большой современный русско-монгольский – монгольско-русский словарь. – М., 2006.
- Щербинин В.Г. Большой русско-турецкий словарь. – Изд. 2-е. – М., 1998.
- http://en.wikipedia.org/wiki/Ottoman_Armed_Forces/Ranks
- http://ru.wikipedia.org/wiki/Казачьи_чины