Hitman: Codename 47 (оюн)

Hitman: Codename 47 (англи. дорт очулдурар болза — «Хөлезиленген өлүрүкчү: Код ады 47», Россияда база СНГ чурттарда «Hitman: Агент 47» деп очулдурган) — стелс-экшен жанрда, дани IO Interactive студия биле американ Eidos Interactive кылган болгаш 2000 чылда үндүрген компьютерге оюн. Ол кылымал чоруу-биле чаяттынган, өлүм чедирериниң уран-чүүлүнге салым-чаянныг, акша дээш киллер кылдыр ажылдап турар 47 дугаар деп онзагай аттыг кижиниң баштайгы даалгаларын кылып турганын дугайында.

Оюн чорудулгазы

Ойнакчы кижиге күүседиринге бердинген даалгаларының кол сорулгазы болза — өлүк болур ужурлуг тода айыткан улусту чок кылыры, ооң аңгыда чамдыкта немей кылыр чүве база бар боор (чижээ, байысааттынып турар агентини камгалаары азы картельдиң наркотик бүдүрүлге черни бомба ажыглааш буза шавары). Тынын сегирип алыр дээн улусту дааш шимээн үндүрбейн (дүргени-биле бижектеп азы пианино хылы-биле оожуму-биле боосталап), азы дорт кортпайн боолап болур.

Даалгаларының хөй кезии ажык девискээринде болур, долгандыр өске кижилер кылаштап азы черинде туруп болур, ооң санында таңныылдар (шагдаалар азы өлүп каар ужурлуг кижини камгалаар улузу) бар, олар үргүлчү бооларлыг боор, ойнакчы кижини кем-херек үүлгедирин эскерер болза, дораан өске черни хайгаарар дээн улусту кыйгыргаш, ойнакчыже халдай бээр. Даалгалар кылып тургаш, акша ажылдап болур, ооң-биле ажыглап болур тускай боо-чепсек садып ап болур. Даалга күүседип тургаш, өске бөдүүн тайбың кижини тынынга четсе, система «артык чидириг» деп чылдаганнааш, штрафтап кааптар.

Сюжеди

47 дугаар бир психиатр эмнелге адаанда оттуп келгеш, танывазы кижиниң үнүн үн улгаттырыкчы таварыштыр дыңнап тургаш, белеткээн дайынчы өөредилге курсту эрткеш, эмнелгеден бодунуң аайы-биле дезип чорупкан. Каш үе болгаш дескен кижи бүгү делегейниң контракты агенствозунче ажылдап кирген болган. Ол организациянын ажылы болза янзы-бүрү клиентилерниң дилээни-биле айыткан улусту чок кылыры.

Чыл дургузунда ол 47 дугаар, агенстводан Диана Бёрнвуд деп куратору баштааны-биле, 4 аңгы криминал-биле холбашкан кижилерни өлүмге чедирер. Ол улусту өлүргеш, олардан алган документилеринде ол боду кижи, 47 деп проекти болгаш танывазы Орт-Майер деп бир профессор айыткан боор. Өлген 4 кижилер дугайында миссиялар кылыр бетинде тода берген тайылбыр сөзүглелдерде олар шупту бежелээ Францияның даштыкы легионунда ажылдап турган деп бижээн болган. Ону билгеш, 47 дугаар бодунуң кураторунга олар шупту Индокитай дайынының үезинде, легионунуң чаңгыс салбырында ажылдап турганын, шупту кылган өлүрүүшкүн дилеглерни чүгле чаңгыс ол-ла клиенти берген деп чугаалаан.

Сөөлгү даалга кылыры-биле, агент бир румын эмнелгеже келген, иштинде кылаштап тургаш, ол-ла боду чыл бурунгаар чыткан эмнелге бо-дур деп эскерген. Херек кижини тывылгаш, ооң чугаалааны-биле 47 дугаар кижилер хоолгалаар экспериментиден кылдынган чүве болган, оондан кончуг эки тергиин өлүрүкчү кылып алыры дээш ооң ДНК-зында ол шупту өлүрген 4 кижиниң болгаш Орт-Майер деп ону кылган докторнуң материалдары хаара туттунган деп билип алган. Ол чүүлдү чугаалап берген докторну даалгазын күүседири-биле өлүргеш, боду Орт-Майерни дилээр дээш эмнелгениң подвалынче куду бадар.

Үн улгаттырыкчы ажыглааш дедир келген «оглун» мендилеп, Орт-Майер 47 дугаарны эмнелгеден дашкаар делегейде кандыг болурун хынаар дээш ол эмнелгеден дезерин шаанда-ла планнап турганын болгаш, 47-ниң санап турганы-биле ышкаш, ол доктор-биле ажылдап турган 4 криминалчыларны шуптуларын агенствога чагыткан деп чугаалаан. Чүге дизе олар 47-ни бодунга алыксап турган боорга. Ынчалза-даа, Орт-Майер 47-ден аңгыда күштүг болгаш баштаарга белен көвей-көвей 48 дугаарлар деп экижиткен хоолгалар кылган боорга, 47-ниң херээ ам чогул деп санааш, оларны шуптуларын эглип келген агентини өлүрер деп углап чоруткан. Шуптуларын чок кылгаш, 47 дугаар оларның бирээзи болуру деп профессорну мегелээн. Орт-Майер кылган ажыл дээш ону куспактаары-биле чоогадыр кылаштап чыдырда, агентиден каш үндүрген окту бодунуң мага-боду-биле алган. Чуртталга-биле дүүшпес алган балыглар-биле, ийи делегей аразында турар доктор "төрээн оглун танывайн барган" деп бодунуң муңгаралын илереткен соонда, 47-дугаар ооң мойнун оора долгапкаш, ынчалдыр ону өлүмге чедирген.

Үнелээни

Hitman: Codename 47 деп оюн шүгүмчүлекчилерден колдуунда эки саналдар алган. Metacritic рейтингизинде 73 хуу, GameRankings-те 73,65 хуу кылдыр унелээн.

Айтыглар

• IO Interactive официал сайтызы