Болч, Эмили Грин

Википедия деп сайттан

Эмили Грин Болч

Төрүттүнген хүнү: 1867 январьның 8(1867-01-08)[1][2][3][…]
Төрүттүнген чери:
Мөчээн хүнү: 1961 январьның 9(1961-01-09)[1][2][3][…] (94 хар)
Мөчээн чери:
Чурт:
Эртем сферазы: экономика[d]
Ажыл чери:
Альма-матер:
Шаңңалдары:
Нобелевская премия мира
Хол үжүү: Подпись

Эмили Грин Болч (англ. Emily Greene Balch, 1867 чылдың январь 8, Бостон, Массачусетс, АКШ — 1961 чылдың январь 9) — американ херээжен экономист, дайын-чаага удурланыр кижи. 1946 чылда Тайбыңның Нобель шаңналын алган.

Намдары[эдер | вики-сөзүглелди эдер]

Эмили Грин Болч хүндүлүг болчукчу болгаш башкы Фрэнсис Вернье Болч-туң өг-бүлезинге ийи дугаар төлү кылдыр төрүттүнген. 1889 чылда Брин Мар колледжин дооскан. Ооң соонда ийи чыл дургузунда Парижке Сорбоннга өөренген. Аңаа өөренип турар үезинде Францияның ядыы чонун деткиириниң дугайында шинчилел ажылын бараалгаткан. АКш-ка эглип келгеш, Гарвард болгаш Чикаго унивесрситеттеринге өөредилгезин уламчылаан. Өөредилгезин Берлин университединге 1896 чылда дооскан.

Ол-ла чылын Уэллсли деп колледжке башкылап эгелей берген. Аңаа 1913 чылда экономиканың болгаш социологияның профессору деп атты тывыскан. Башкылаары дыка эки турган, өөреникчи-сургуулдарның кичээнгейин хаара тудуп шыдаар, энерел сеткилдиг, ядыы улуска турскай кээргээчел сеткилдиг турган. Болч херээжен улуска соңгуур эргени хайырлаар, язы-сөөк улус аразында улустуң эргелери дең боорун чедип аар, чаш улустуң ажылын таптыг холга тудар, ажылдап турар улустуң шалыңын көдүрер талазы-биле туржуп турган агымнарның идепкейлиг киржикчизи. 1910 ооң «Наши сограждане — славяне» (англ. Our Slavic Felow-Citizens) деп АКШ-че көжүп келген славян хиндиктиг улутарга тураскааткан шинчилелдерин бараалгаткан ному үнүп келген.

1918 чылдан 1922 чылга чедир Делегей чергелиг херээженнерниң тайбың база хосталга дээш лигазының секретарь-казначейи. Ийиги Делегей дайынының үезинде чуртундан дескет улуска дузалажып турган. Хиросимо болгаш Нагасакини чазылдырган соонда, ядерлиг чепсекти хорууру дээш туржуп турган.

1946 чылда «зтайбың дээш хөй чылдарда олут-чыдын чок туржуп келген ажылы дээш» Эмили Грин Болч Нобель шаңналын Джон Мотт.-биле үлежип алган. 95 харлыг тургаш, 1961 чылдың январь 9-та чок болган.

Демдеглелдер[эдер | вики-сөзүглелди эдер]

Шөлүглер[эдер | вики-сөзүглелди эдер]