Корриган, Мейрид
|
Мейрид Корриган | |
|---|---|
|
англ. Mairead Corrigan | |
 | |
| Төрүттүнген хүнү | 1944 январьның 27[1][2][3][…] (80 хар) |
| Чурт | |
.svg){kind=small}
Мейрид Корриган (англ. Mairead Corrigan, өгленгенде Мейрид Магуайр, англ. Mairead Maguire; 1944 чылдың январь 27) — 1976 чылда Бетти Уильямс-биле тайбыңның Нобель шаңналын алганнар. Тайбыңчы улустуң ниитилели / Сообщества мирных людей / Community of Peace People деп организацияның киржикчилери турган. Бо ниитилелдиң ачызы-биле Соңгу Ирландияда ханныг дайын соксаан.
Намдары[эдер | вики-сөзүглелди эдер]
Корриган католиктиг эртем чедип алган. 1973 чылда ол ССРЭ-ге чорааш, коммунистиг ниитилелде шажынның дугайында кино тырттырарынга киришкен.
1976 чылдың август 10-да ооң угбазының 3 ажы-төлү дайылдажып турган Англияның шериглери биле Ирландияның республика шерииниң аткылажып турган черинге машинага бастырып алгаш өлген. Оларның авазы база Мейридтиң угбазы 1980 чылда Чаа Зеландияга бодунга хол четкен.
Чээннериниң чок болганы ооң чуртталгазынга улуг согуг болган. Аңаа муңгарааш, хомудааш, база ол черге душ бооп херечи болган Бетти Уильямс-биле кады, Соңгу Ирландияда күштээшкинге удур тайбың чыыш кылганнар. Тайбыңчы улустуң ниитилели / Сообщества мирных людей / Community of Peace People деп организация ажыдып алганнар. Ол-ла чылын оларның ажылын Нобель шаңналы-биле демдеглээн.
Ооң соонда ол 25 чурттарга барып, шажын болгаш чурт баштыңчылары-биле ужуражып, бүдүн делегейге тайбыңны тургузары-биле кылдыныглар кылып шаг болган.
Хууда чуртталгазы[эдер | вики-сөзүглелди эдер]
Ачазы Эндрю Корриган (Andrew Corrigan) — соңга чуур компаниялыг турган, авазы — бажыңга олурган. Корриган беш угбалыг база ийи акылыг. 1981 чылдың сентябрьда чок болган угбазының ашаа Джэки Магуайр-биле өгленип алган. Үш ажы-төлдүң соңгу иези база бодунуң 2 ажы-төлүнүң авазы апарган.
Демдеглелдер[эдер | вики-сөзүглелди эдер]
- ↑ Encyclopædia Britannica (англ.)
- ↑ Энциклопедия Брокгауз (нем.)
- ↑ Proleksis enciklopedija, Opća i nacionalna enciklopedija (хорв.) — 2009.
Шөлүглер[эдер | вики-сөзүглелди эдер]
- КОРРИГАН, МЕЙРИД — Онлайн-энциклопедия Кругосвет.
- КОРРИГАН (Corrigan), Мейрид Archived 2022-08-08 at the Wayback Machine — Библиотека Мошкова.
- Mairead Corrigan Maguire (англ.) — The Peace People.