Аун Сан Су Чжи

Википедия деп сайттан

Майык:Государственный деятель До Аун Сан Су Чжи (Майык:Lang-my; род. 19 июня 1945) — бирман база мьянман политик, «Национальной лиги за демократию» деп партияның лидери. 1991 чылдың Тайбыңның Нобель шаңналының эдилекчизи. 2016 чылдан тура — Мьянманың даштыкы херектер яамызының сайыды база күрүне сүмелекчизи.

Хууда чуртталгазы[эдер | вики-сөзүглелди эдер]

Аун Сан Су Чжи Рангунга төрүттүнген. Ооң адазыАун Сан, Мьянманың амгы үеде шерииниң тургузукчузу, 1947 чылда Бирманың Британ империядан хостуг чоруу дээш чугаалажылгаларның бирээзи. Ол-ла чылын чазактың өске-даа кежигүннери-биле өлүрткен. Аун Сан Су Чжини авазы кижизидип өстүрүп каан.

Аун Сан Су Чжиниң авазы 1960 чылда Индияже элчин кылдыр чоруттунган. Уруу база ынаар чорупкаш, Нью-Делиге өөредилгезин уламчылаан. 1964 чылда Аун Сан Су Чжи аңаа колледж дооскаш, Оксфорд университединиң Санкт-Хью колледжин дооскан. 1969 чылда философия, политика болгаш экономика талазын дооскан. Университет дооскан соонда Аун Сан Су Чжи Нью-Йоркка чурттап ООН-га 3 чыл иштинде колдуу саң-хөө айтырыгларын харыылап ажылдаан. 1972 чылда Аун Сан Су Чжи тибетолог Михаэль Эйрис-биле өгленип алган. Оларның өг-бүлезинге ийи оол төрүттунген: Александр биле Ким. Соонда барып, Аун Сан Су Чжи Лондон университединге 1985 чылда философияның доктору чаданы чедип алган.

1988 чылда Аун Сан Су Чжи Бирмаже аарып турар авазынга дузалажып чедип келген[1].

Политикада ажылы[эдер | вики-сөзүглелди эдер]

Аун Сан Су Чжи Бирмага келгеш, 1988 чылдың август 26-да митингке чонга демократтыг күрүне тургузарының дугайында кыйгырыг кылган[2].

Махатма Гандиниң база Мартин Лютер Кингтиң хора чедирбес политиказын ажыглап, база буддийжи бодалдарга үндезилеп, Аун Сан Су Чжи демократтыг чазак тургузар дээш ажылдап кирипкеш, «Национальная лига за демократию» деп намны 1988 чылдың сентябрь 27-де тургускан.

1990 чылда ниити чурт соңгулдаларында ооң намы «Национальная лига за демократию» 59 % үннерни алгаш, парламентте 80 % мандаттарны алган. Ынчалза-даа соңгулданың түңнелдерин ойталааш, шеригжиттинген чазак олудун бербейн барган. Ынчан Аун Сан Су Чжи Янгонга бажыңга олурар кылдыр хоругдаттырган. Ынчан ол Нобель шаңналын алган[3].

Аун Сан Су Чжи АКШ-тың күрсекретары Хиллари Клинтон-биле (1 декабрь 2011)

Культурада[эдер | вики-сөзүглелди эдер]

Аун Сан Су Чжи нам кежигүннериниң мурнунда сөс ап турар

2011 чылда Люк Бессоннуң «Леди» деп Аун Сан Су Чжиниң намдарын көргузуп турар кинозу үнген.

Демдеглелдер[эдер | вики-сөзүглелди эдер]

  1. Аун Сан Су Чжи: Женщина, победившая генералов — EastRussia | Наши соседи  (чедимчок шөлүг — төөгү). www.eastrussia.ru. Хынаан 12 Он айның 2016. Архивтээн 2016 Он айның 13.
  2. Aung San Suu Kyi — Biography. Сайт Нобелевской премии. Архивтээн 2012 Алды айның 24.
  3. Daw Aung San Suu Kyi, Burma's Icon of Democracy, Hope and Grace Under Pressure. Amnesty International Women's Action Council Stop Violence Against Women Campaign. Архивтээн 2006 Сес айның 21.

Шөлүглер[эдер | вики-сөзүглелди эдер]