Ят-Ха

Википедия деп веб-сайттан
Франкфурте-на-Майне хоорайга Ят-Ханың концерти, октябрь 13, 2005

Ят-Ха - тыва хөгжүм бөлүү. Лидери - ыраажы, гитарист Альберт Күвезин. Бо бөлүктүң ырыларында тыва улустуң ыры, рок болгаш каргыраа элементилери дыңналыр.

Төөгүзү[эдер | Үндезин сөзүглелин эдер]

1992 чылда Ят-Ха бөлүү Москва хоорайга, Альберт Күвезин болгаш ооң эжи Иван Соколов-биле тургустунган. Эгеки чылдарда группаның ырылары тыва каргыраа-биле электронниктиг хөгжүм холуштуруп турган.

Бир дугаар альбом үндүрген соонда, Игорь Соколов өскээр ажылдап чоруткан. Ят-Ха бөлүүнге дараазында чылдарда өске хөгжүмчүлер ажылдап турган. Хөгжүмү электроникадан рок болгаш, пост-панкче солушкан.

2001 чылда Ят-Ха Всеволод Пудовкинниң 1928 үнген үнү чок "Чингис-Хаанның үре-сады" деп кинозунга эдеринчи ырыны күүсеткен.2002 чылда BBC Radio 3 World Music Awards шаңналының эдилекчизи аппарган.

2005 чылда Joy Division, Iron Butterfly, Kraftwerk деп бөлүктерниң ырыларын, каргыраалап ырлаан альбомну үндүрген.

2008 чылда Ят-Ханың Сайлык Оммун-биле күүсеткен "Ахой" ("Энесай") деп, ыры якут фильмге эдеринчи ыры кылдыр ажыглаттынган.

2011 чылдың январьда "Poets and Lighthouses" деп альбому European World Music Charts кырыкы одуруунче үнген.

Дискографиязы[эдер | Үндезин сөзүглелин эдер]

Альбомнары:

  • 1989 «Признак грядущей беды» (магнит альбом)
  • 1992 «Khanparty» (кассеталыг альбом)
  • 1993 «Antropophagia»
  • 1995 «Yenisei Punk»
  • 1996/1997 «Tundra’s Ghosts» (версия Ивана Соколовского с альбома «Antropophagia»)
  • 1999 «Dalai Beldiri»
  • 2000 «Aldyn Dashka»
  • 2001 «Bootleg» (концерттиг альбом)
  • 2003 «Tuva.rock»
  • 2005 «Re-Covers»
  • 2005 «Bootleg 2005» (концерттиг альбом)
  • 2010 «Live at Meltdown festival in London 2005» (концерттиг альбом)
  • 2010 «Poets And Lighthouses»
  • 2010 «The Ways Of Nomad.The Best Of…» (чыынды)
  • 2011 "Live At Stray Dog Club.Novosibirsk"

Амгы үеде бөлүкче кирип турар хөгжүмчүлер[эдер | Үндезин сөзүглелин эдер]

  • Альберт Күвезин (ырлаары, хөөмейлери, гитара болгаш тыва улусчу хөгжүм херекселдеринге ойнаары)
  • Евгений Ткачёв (ударлыг хөгжүм херекселдери, перкуссия) (1995 чылдан)
  • Шолбан Монгуш (ырлаары, игилге ойнаары) (2006 чылдан)
  • Алексей Саая (ырлаары, бас, кларнетке болгаш тыва улусчу хөгжүм херекселдеринге ойнаары) (2009 чылдан)

Эрги хөгжүмчүлер[эдер | Үндезин сөзүглелин эдер]

  • Иван Соколовский (синтезатор, электроника, перкуссия) (1991 - 1996)
  • Teodore Scipio (бас) (2002 - 2011)
  • Каң-оол Монгуш (ырлаары, моринхуур) (1995 - 2005)
  • Алдын-оол Севек (ырлаары, хөөмейлери, гитара болгаш тыва улусчу хөгжүм херекселдеринге ойнаары) (1995 - 2000)
  • Михаил "Махмуд" Скрипальщиков (бас) (1996 - 2002)
  • Сайлык Оммун (ырлаары, тыва улусчу хөгжүм херекселдеринге ойнаары) (1995 - 2007)
  • Радик Түлүш (ырлаары, хөөмейлери, хөгжүм херекселдеринге ойнаары) (1995 - 2005)


«http://tyv.wikipedia.org/w/index.php?title=Ят-Ха&oldid=10611» деп адрестен парлаттынган