Дуюнгар, Михаил Монгуш оглу

Дуюнгар Михаил Монгушевич
Төрүттүнген хүнү	02.04.1962 ч.
Төрүттүнген чери	Ак, Барыын-Хемчик, Тыва АССР
Мөчээн хүнү	21.06.1996 ч.
Мөчээн чери	Кызыл хоорай
Хамаатызы	РФ
Ажыл-херээ	чогаалчы
Чогаадыкчы дылы	Тыва дыл

Михаил Монгушович Дуюнгар (02.04.1952 чыл – 21.06.1996 чыл) – тыва чогаалчы, шүлүкчү, прозачы, очулдурукчу, публицист. Россияның журналисттер эвилелиниң кежигүнү (1989), Россияның чогаалчылар эвилелиниң кежигүнү (1995).

Намдары

Михаил Монгуш оглу Дуюнгар чылдың апрель 2-де Тыва АССР-ниң Барыын-Хемчик кожуунунуң Ак сумузунга малчын өг-бүлеге төрүттүнген.

Кызыл-Мажалык ортумак школазы доозуп, шериг хүлээлге эрттирген соонда, 1976 чылда Кызылдың эмчи училищезин болгаш 1980 чылда Михаил Дуюнгар Москваның М. Горький аттыг Чогаал институдунуң проза салбырын көскү совет совет критик, профессор В. И. Гусевтиң семинарынга дооскан. Ажыл-ишчи базымын орук чериниң ажылчынындан эгелээш, Мөңгүн-Тайга, Бай-Тайга, Өвүр кожууннарга фельдшерлеп ажылдап чораан. 1986 чылдан бээр «Тываның аныяктары» солунга корреспондентилеп, ооң соонда ол солунну редакторлай берген. Сөөлгү чылдарында Тыва Республиканың Президентизиниң парлалга албанынга ажылдап чораан.

1996 чылдың июнь 21-де Кызыл хоорайга мөчээн.

Кол парлап үндүрген ажылдары

• «Харда чечектер» (1994) деп шүлүк чыындызы;
• «Бөрү дүнү» (1991) деп чечен чугаалар;
• «Хөлегелер» (1996) деп чечен чугаалар;
• «Авамны мен дүжей бээр мен», «Чалыы шаавыс аялгазы», «Бойдус оштаан» дээш оон-даа өске шүлүктери;
• «Авамның тону», «Дүнеки аалчы», «Мочургалар» дээш оон-даа өске чечен чугаалары.

Дөс

1. Комбу С. С. Пути развития тувинской литературы / С. С. Комбу // Тувинская литература : словарь / С. С. Комбу; под ред.: Д. А. Монгуша, М. Л. Трифоновой. – Новосибирск: 2012. – С.64.
2. Тува литературная. Вып.1 : биобиблиогр. справочник / НБ им. А. С. Пушкина Респ. Тыва; авт.-сост.: С. С. Комбу, Л. М. Чадамба, Е. М. Ак-кыс. – Кызыл, 2007. – 52 с.