Өвүр хадып... (ыры)
Өвүр хадып... — тыва улустуң аас чогаалындан үнген ыры-кожамык. Бо ырыны ат-сураглыг бөлүктер — Хүн-Хүртү, Тыва дээш оон-даа өскелери ырлашкан.
Ырының сөзүглелдери
[эдер | вики-сөзүглелди эдер]Өвүр хадып чыдыр-ла боор,
Өңнүүм сактып олур-ла боор,
Өшкү эъдин дүлүп алган
Мени манап олур-ла боор.
Саглы хадып чыдыр-ла боор,
Сарыым сактып олур-ла боор,
Сарлык эъдин дүлүп алган
Мени манап олур-ла боор.
____________________________
Өвүр хадып чыдыр боор оң,
Өңнүүм манап олур боор оң,
Өшкү эъдин дүлүп алган
Мени-ле манап олур боор оң.
Саглы хадып чыдыр боор оң,
Сарыым манап олур боор оң,
Сарлык эъдин дүлүп алган
Мени-ле манап олур боор оң.
Калчан хадып чыдыр-ла бе,
Карам манап олур-ла бе,
Койгун эъдин дүлүп алган
Мени-ле манап олур-ла бе.
______________________________
Өвүр хадып туру-ла боор,
Өңнүүм манап олур боор оң,
Өшкү эъдин дүлүп алган
Мени-ле манап олур боор оң.
Саглы хадып туру-ла боор,
Сарыым манап олур боор оң,
Сарлык эъдин дүлүп алгаш
Мени-ле манап олур боор оң.
Калчан хадып туру-ла боор,
Карам манап орган боор оң,
Хайнак эъдин дүлүп алгаш
Мени-ле манап орган боор оң.