Интернационалдыг хемчеглер системазы

Интернационалдыг хемчеглер системазы, ИС (интернационаалдыг хемчеглер систээмазы) — физиктиг хемчээлдер системазы, метриктиг системаның амгы шагның хевири. Хүн бүрү чуртталгада база эртем болгаш техникада эң-не делгем ажыглаттынап турар система. Делегейниң хөй кезии чурттарда интернационалдыг система кол хемчээлдер системазы кылдыр хүлээттинген.

Төөгү

ИС француз эртемденниң чогааткан Метриктиг хемчеглер системазының сайзыраашкыны болуп турар. Шак ол системаның киирериниң бертинде хемчеглер бот боттарындан хамаарылга чокка шилиттинип турган. Ынчангаш бир хемчегден өске хемчегче санаашкын берге турган. Ол аразында аңгы-аңгы черлерге аңгы хемчеглер ажыглаттынып турган.

1790 чылдарның эгезинде Францияга метр биле килограммның түр эталоннары бүдүрттүнген. Оларның копиялары Америкаже чоргусттунган, ынчалза-даа хеме британ каперлерге алыскаш, Америкаже четпейн барган.

1799 чылда узуннуң эге хемчээнге (метрге) болгаш массаның эге хемчээнге (килге) ийи эталон бүдүрттүнген.

1832 чылда немец математик Карл Гаусс хемчеглер системазының тургузарының үндезиннерин болбаазыраткаш чаа система чогааткан. Кол физиктиг хемчээлдер кылдыр узунну, массаны, үени; эге хемчеглер кылдыр миллиметрни, миллиграммны, секунданы хүлээп алган.

1874 чылда ийи британ физик Джеймс Максвелл биле Уильям Томпсон үш эге хемчегге сантиметрге, граммга, секундага үндезилеттинген СГС дээр системаны бараалгатканнар.

1875 чылда 17 чурттарның төлээлекчилери-биле (оларның аразында Россия, Германия, Америка, Франция, Италия) Хемчээлдер болгаш деңзилерниң Генералдыг конференциязының чыыжы көрдүнген. Метр биле килограммны болбаазырадырының талазы-биле ажылдар эгелээн.

1899 чылда МКС дээр метрге, килограммга болгаш секундага үндезилеттинген система үнген (ол хемчеглер практиктиг ажыглаашкынга эптиг деп үнелеттинген).

1954 чылда чаа хемчеглер немешкен: метр, килограмм, секундадан аңгыда ампер, Кельвин, кандела база бар апарган.

1971 чылда 14-кү Генералдыг конференция кол хемчеглерниң аразынче бүдүмелдиң санын хемчээн (мольду) немээн.

ИС-тиң хемчеглери

Кол хемчеглер

Хемчээл		Хемчег
Адаашкын	Символ	Адаашкын		Демдеглеттинери
Адаашкын	Символ	тыва	фрунцуз/англий	тыва	интернационалдыг
Узуну	L	метр	mètre/metre	м	m
Масса	M	килограмм	kilogramme/kilogram	кг	kg
Үе	T	секунда	seconde/second	с	s
Электри токтуң күжү	I	ампер	ampère/ampere	А	A
Термодинамиктиг температура	Θ	кельвин	kelvin	К	K
Бүдүмел саны	N	моль	mole	моль	mol
Чырыктың күжү	J	кандела	candela	кд	cd

Укталган хемчеглер

Укталган хемчеглер кол хемчеглерден математиктиг операциялар (көвүдедир, үлээр) дузазы-биле илереттинер. Чамдык хемчеглерге эптиг болур кылдыр аңгы аттар бердинген. Чижээ, кандыг-бир телонуң дүргени болза ооң оруунуң кайы хире үе иштинде эрткени болгаш, оруктуң үеден хамаарылгазы болур — м/с (секундада метр).

ИС-че кирбейн турар хемчеглер

Ук системага хамаарышпайн турар хемчеглерни Хемчеглер болгаш деңзилерниң Генералдыг конференциязының шиитпири-биле ИС биле катай ажыглаары чөптүг.

Хемчег	Англий адаашкын	Демдеглээшкин		ИС-тиң кандыг хемчеглери-биле илереттинип турары
Хемчег	Англий адаашкын	тыва	интернационалдыг	ИС-тиң кандыг хемчеглери-биле илереттинип турары
минута	minute	мин	min	60 с
шак	hour	ш	h	60 мин = 3600 с
хонук	day	хон	d	24 ш = 86400 с
азыглыг градус	degree	°	°	(π/180) рад
азыглыг минута	minute	′	′	(1/60)° = (π/10800) рад
азыглыг секунда	second	″	″	(1/60)′ = (π/648000) рад
литр	litre	л	l, L	0,001 м³
тонна	tonne	т	t	1000 кг
электронвольт	electronvolt	эВ	eV	1,602176634⋅10⁻¹⁹ Дж
гектар	hectare	га	ha	10000 м²

ИС-тиң префикстери

Дакпыр болгаш үлемик хемчеглер тургузарда хемчегниң адының бажынга префикстер (сөстүң эгезинде турар тускай кожумак) немээр. Префикс хемчегниң баштайгы байдалындан каш каттап хөйүн азы эвээжин көргүзуп турар.

Дакпыр хемчег — кандыг-бир физиктиг хемчээлдиң эге хемчээнден 10 кашкы-бир чадада каттап хөй хемчег (10ⁿ чадада, n — натуралдыг сан).

Ончук көвүдедикчи	Префикс		Демдеглээшкин		Чижек
Ончук көвүдедикчи	тыва	интернационалдыг	тыва	интернационалдыг	Чижек
10¹	дека	deca	да	da	дал — декалитр
10²	гекто	hecto	г	h	гПа — гектопаскаль
10³	кило	kilo	к	k	км – километр
10⁶	мега	mega	М	M	МэВ – мегаэлектронвольт
10⁹	гига	giga	Г	G	ГДж – гигаджоуль
10¹²	тера	tera	Т	T	ТВ – теравольт
10¹⁵	пета	peta	П	P	Пфлопс – петафлопс
10¹⁸	экса	exa	Э	E	ЭВт – эксаватт
10²¹	зетта	zetta	З	Z	ЗэВ – зеттаэлектронвольт
10²⁴	иотта	yotta	И	Y	ИэВ – иоттаэлектронвольт

Үлемик хемчег — кандыг-бир физиктиг хемчээлдиң эге хемчээнден 10 кашкы-бир чадада катап эвээш хемчег (10ⁿ чадада, n — бүдүн казыырлыг сан).

Ончук көвүдедикчи	Префикс		Демдеглээшкин		Чижек
Ончук көвүдедикчи	тыва	интернационалдыг	тыва	интернационалдыг	Чижек
10^-1	деци	deci	д	d	дм — дециметр
10^-2	санти	centi	с	c	см — сантиметр
10^-3	милли	milli	м	m	мл – миллилитр
10^-6	микро	micro	мк	µ	мкг – микрограмм
10^-9	нано	nano	н	n	нф – нанофарад
10^-12	пико	pico	п	p	пКл – пикокулон
10^-15	фемто	femto	ф	f	фс – фемтосекунда
10^-18	атто	atto	а	a	ас – аттосекунда
10^-21	зепто	zepto	з	z	зКл – зептокулон
10^-24	иокто	yocto	и	y	иг – иоктограмм

Префикстерниң хөй кезии грек сөстерден укталган. Дека- — δέκα «он», гекто- — ἑκατόν «чүс», кило- — χίλιοι «муң», мега- — μέγας «улуг», гига- — γίγας — «аажок улуг», тера- — τέρας «мангыс». Санти-, деци-, зетто- латин дазылдарлыг — centum «чүс» , decimus «он дугаар», septem «чеди». Зепто- («чеди») латин septem-ден азы француз sept-тен укталган.

Хемчеглерниң демдеглээшкиннериниң ажыглаарының дүрүмнери

Хемчеглерниң демдеглээшкиннерин дорт шрифт-биле парлаар, соонга домак төнмээн болза улуг сек салбас.
Демдеглээшкинни санның соонга пробел (space) салган соонда салыр. Дараазында одуругже көжүрбес. Чижээ: 10 м/с (секундада он метр).
Ийленчек шыйыглыг үүрмек санны скобка иштинче киирер (1/60) с⁻¹.
Көвүдедиишкинче кирип турар хемчеглерниң демдеглээшкиннерин ортуку улуг сек-биле ангылаар (Н·м, Па·с). «×» деп символ ажыглавас.
Үлээшкин демдээ кылдыр горизонталдыг азы ийленчек шыйыгны ажыглап болур. Ийленчек шыйыгның таварылгазында хемчекчиде көвүдедиишкин бар болза ону скобкаже киирер. Чижээ: Вт/(м·К).
Фамилиялардан укталган хемчеглерниң демдеглээшкиннери улуг үжүктен эгелээр. Чижээ: ампер — А, мегапаскаль — МПа, килоньютон — кН, гигагерц — ГГц.

Демдеглелдер

Дөзүглел

ГОСТ 8.417—2002. Государственная система обеспечения единства измерений. Единицы величин. [1]
Деньгуб В. М., Смирнов В. Г. Единицы величин. Словарь-справочник. — М.: Издательство стандартов, 1990. — ISBN 5-7050-0118-5.
Newell D. B. A more fundamental International System of Units // Physics Today. — 2014. — Vol. 67, № 7. — P. 35—41.

Шөлүглер

Викишыгжамырда
медиафайлдар

Статья 5352. Постановление Правительства РФ от 31 октября 2009 г. № 879 Об утверждении положения о единицах величин, допускаемых к применению в Российской Федерации // Собрание законодательства Российской Федерации : бюллетень. — Юридическая литература, 2009. — 9 Он бир айның (№ 45). — С. 13070.
The SI brochure Описание СИ на сайте Международного бюро мер и весов
Имперское и метрическое преобразование
Единицы измерения