Алдын тывыжы

Алдын тывыжы - Таңды-Тыва Республика үезинде алдын чыыр артельдерге хамааржыр билиишкин.

1926 чылдан бээр кадагалаттынып арткан Таңды-Тыва Республиканың саң-хөө сайыды Лопсаң биле алды үлетпүрүнүң төлээлериниң аразында чарып турган керээлер ёзугаар алырга, ол үеде Тывага "Беднота", "Заря", "Победа", "Горняк", "Пролетарий", "Красная звезда", "Калинина", "Колчедан", "Красный партизан", "Ленин", "Чан-Цян-Гю", "Бедняк", "Трубовой", "Батрак", "Им-Чон-Хо", "Доля бедняка", "Кон-Чу-Вани", "Са-Сан-Дари", "Кан-Док-Че" дээш, оон-даа өске алдын тывыжының артельдери ажылдап турган.

1927 чылдың февраль 8-тиң документилеринде бижип турары-биле алырга ТАР-дан Ново-Сибирь край конторазынче күрүне банкызының Минусинск салбырын дамчыштыр ийи хапка 445 болгаш 7798 грамм алдынны чоруткан.

Тываның девискээринде тывылган хөй кезиинде улуг хемчээлдиг болгаш чымчак, шынары 0900-тен өрү болуп турган (Каралыг-Хем унундан (0080) аңгыда).