Баазаң-оол, Каң-оол Далай-оол оглу

Каң-оол Далай-оол оглу Баазаң-оол
Төрүттүнген хүнү	1936

Баазаң-оол, Каң-оол Далай-оол оглу (1936ч сентябрь 9-та Тес-Хем кож. Шуурмак сумузунда Чиңге-Хемге төр.) – тыва хөгжүмчү, баянист, композитор.

Намдары

1936ч сентябрь 9-та Тес-Хем кожууннуң Шуурмак сумузунда Чиңге-Хемге төруттүнген. 1953ч Самагалдайның 7 чыл школазын дооскан. Ол үеге чедир школага хөгжүм кичээли чок, нота өөретпес турган. 17 харлыг Баазаң-оол башкы училищезинге ноталарны бир дугаар көргеш, улуу-биле сонуургаан – ынчалдыр ол-ла олчаан бүгү назынында нотадан, хөгжүмден, чогаадыкчы ажылдан чарылбаан.

Ийиги курска турда-ла (1955ч), ооң байштайгы ырызы ("Төрээн хемим эриинде", сөзү Ю. Күнзегештии) бүгү Тывага чаңгыланы берген болгаш амгы үеде тыва радионуң алдын фондузунда кирген. А школачы эжи болгаш чажыды Ч. Кара-Күскениң сөзүнге бижиттинген (1963ч) ырызы "Самолёдум" – Уран Чүүл яамызының, Өөредилге яамызының, Аныяктар комитединиң, Композиторлар эвилелиниң каттышкан комиссиязының шилээни ёзугаар – XX чүс чылда 20 эң эки уруглар ырыларының (даңзызы 2001.04.24 "Шында") бирээзи болган. Ол бо ырыны 1063ч Белдир-Арыг суурга чогааткан.

"Самолёдум"

Сөзү Чооду Кара-Күскении, аялзагы Баазаң-оол Каң-оолдуу.

Авам, ачам меңээ
Садып берген, оой-ээй,
ААжок чараш ойнаар
Самолёдум, оой-ээй.

Ойнааратар бээр, бээр
Маңнажыңар, оой-ээй,
Озалдаанны черле
Манавас бис, оой-ээй.

Олудуңар дүрген
Ээлеңер, оой-ээй,
Октаргайны ээргеш,
Ээп кээр бис, оой-ээй.

Дөзүк

1. Чооду Кара-Күске. "Ырлажыылам, че" деп брошюра. Кызыл–2011.