Блинова, Екатерина Никитична

Екатерина Никитична Блинова
Екатерина Никитична Блинова
Төрүттүнген хүнү:	24 ноябрьның (7 декабрьның) 1906
Төрүттүнген чери:	Каменск-Шахтинский[d], Область Войска Донского[d], Российская империя[d];
Мөчээн хүнү:	1981 декабрьның 15 (75 хар)
Мөчээн чери:	Москва, ССРЭ;
Чурт:	Российская империя[d]; ССРЭ;
Альма-матер:	Ростовский государственный университет[d];
Шаңңалдары:	Премия имени А. А. Фридмана[d] (1978)

Екатери́на Ники́тична Блино́ва (ноябрь 24 [екабряь ] 1906 ч., Каменск станицага, Донскойнуң Войсказы деп областька төр. — декабрь 15 1981 ч., Москвага чок болган) — Совет Эвилелдиң геофизик (черниң физиктиг бот-шынарының дугайында эртем) эртемден, СССР-ниң Эртем академияның корреспондент-кежигүнү. Узун хуусаалыг агаар медээзи санаар арга саналдаан: аңгы атмосфера деңнелгелерин чаңгыс аай чыыр арга.

Намдары[эдер | вики-сөзүглелди эдер]

Екатерина Никитична Блинова ноябрь 24 (декабрь 7) 1906 чылда Донскойнуң Войсказы деп областька, Донецк округка Каменск станицазынга төрүттүнген (амгы үеде Каменск-Шахтинский хоорай).

1928 чылда Ростов-на-Дону деп хоорайның Северо-Кавказск университедин дооскан (амгы үеде Ростовтуң күрүне университеди).

1935-1943 чылдарада Кол геофизика обсерваториязынга ажылдап турган. 1943-1958 чылдарда — Москваның Агаар бойдузун шинчилээр төп институдунга ажылдап турган. 1958-1961 чылдарда — Дузалал геофизик эртемнер институдунга. 1961 чылда Метеорологтуг (агаар болгаш атмосфера болуушкуннарының дугайында эртем) саналдалар кылыр төптүң Эргелекчизи бооп өлгүжеге дээр ажылдап турган.

Математик, гидромеханик болгаш метеоролог, СССР-ниң Эртем академияның корреспондент-кежигүнүИлья Афанасьевич Кибель-биле өгленип алгаш турган. 1953 чылда ашаа-биле картай СССР-ниң Эртем академияның корреспондент-кежигүнүнери турганнар. Шаңналдаларлыг, олпрның аразында орден «Хүндүлел демдээ» база бар. А. А. Фридман аттыг премия база алган (1978).

Екатерина Никитична Блинова декабрь 15 1981 чылда чок болган. Москвага Новодевичье деп хөөрге хөөржүткен.

Эртем ажылы[эдер | вики-сөзүглелди эдер]

Николай Евграфович Кочиниң ажылын уламчылавышаан, 1936 чылда атмосфера фронтузунуң доктаамалын тодаргай шинчилеп турган. 1938 чылдан тура атмосфераның ниити эргилиишкинин өөренип турган. Атмосферада херелдерниң турум байдалы деп долу теорияны болбаазыраткан. Атмосфераның ажыл-чорудулга төвү бар деп саннар-биле тайылбырлаан. Ооң ундезини чөөн чүк биле барыын чүктуң атмосфераның агаар агымының улуг шимчэшкинерин аажок шинчилеп турган. Ол-ла агаар агымының шимчээшкини деп аргазы биле атмосфераның микрочорулгаларын сайгарылгазынга база ажыглап турган, чижелээрге, циклон биле антициклон канчаан тыптып кээрин база.

Библиографиязы[эдер | вики-сөзүглелди эдер]

Блинова Е. Н. Динамика атмосферных движений планетарного масштаба и гидродинамический долгосрочный прогноз погоды. — М.: Гидрометеоиздат, 1976.

Шөлүглелдер[эдер | вики-сөзүглелди эдер]

Блинова Екатерина Никитична // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
Блинова Екатерина Никитична (неопр.). ИС АРАН.
Блинова Екатерина Никитична (неопр.). Биография.ру.