Бразилия

Википедия сайттан
Шилчиир: навигация, дилээр
Бразилияның тугу
Бразилияның сүлдези
Бразилия картада

Бразилия, долу официалдыг хевири — Федеративтиг Бразилия Республиказы (порт. República Federativa do Brasil) — Мурнуу Америкада чурттакчылары эң хөй болгаш шөлү эң улуг күрүне, база Америкада чаңгыс борбак португал дылдыг чурт. Делегейде шөлү-биле болгаш чурттакчыларының саны-биле бешки черде. Диптиң төп болгаш чөөн кезиин ээлеп турар.

Найысылал — Бразилиа хоорай.

Соңгу чүктен мурнуу чүкче эң ыраа 4320 км, чөөнден барыынынче - 4328 км. Чили биле Эквадордан аңгыда Мурнуу Американың шупту күрүнелери-биле кызыгаарлыг: Француз Гвиана-биле, Суринам-биле, Гайана-биле, Венесуэла-биле соңгу талада, Колумбия-биле соңгу-барыын талада, Перу болгаш Боливия-биле барыын талада, Парагвай болгаш Аргентина-биле мурнуу-барыын талада, Уругвай-биле мурнуу талада. Кургаг чери кырында кызыгаарларының узуну хөлү-биле 16 муң км. Чөөн таладан Атлант океанга шаптаттырган, эрик шыйыының узуну — 7,4 муң км. Бразилияже оон аңгыда кезек бөлүк ортулуктар кирип турар, олар дээрге Фернанду-ди-Норонья, Рокас, Сан-Педру-и-Сан-Паулу база Триндади биле Мартин-Вас.

1500 чылда Мурнуу Америкага Педру Алвареш Кабраланың дүшкенинден тура 1822 чылда бот-эргени чарлаанынга чедир Бразилия Португалияның колониязы турган. Бразилия 1889 чылда республика апарган. Амгы конституция Бразилияны федеративтиг республика кылдыр тодаргайлаар, ол Фелералдыг округтуң эвилели болуп кээр, 26 штаттар база 5564 муниципалитеттер.

Союлунга улуг салдарны Португалия чедирген. Официалдыг болгаш барык-ла дың чаңгыс чугаа дылы португал дыл болуп кээр. Бразилдерниң кол нуруузу — католиктер, бо байдал Бразилияны делегейде эң хөй санныг католиктер чурту кылып турар.

1890 чылда француз астроном, Огюст Шарлуаның, ажытканы астероидти Бразилияга тураскааткан. Бот-эргелиг апарган үе - сентябрьның 7, 1822 чыл (Португалиядан)

Күрүне дылы - Португал

Найысылал - Бразилиа

Эң улуг хоорайлар - Сан-Паулу, Рио-де-Жанейро, Салвадор, Белу-Оризонти, Форталеза, Бразилиа

Чызаан хевири - Федеративтиг республика

Удуртукчу - Дилма Русеф

Эреңгей удуртукчу - Мишел Темер

Күрүне шажыны - Католицизм

Девискээр - 5 дугаар делегейде.

  • Нитизи-биле - 8 514 877 км²
  • Суг кырының хуу - 0,65

Чурттакчылары

  • Үнелел (2012) - 201 009 622 киж. (5 дугаар чер)
  • Сырыйы - 22 киж./км²

Акша - Реал (уруң BRL, 986)

Интернет-домен - .br

Уруң ISO - BR

Телефон уруңу - +55

Шак куржаа - -2…-4

Дөс[эдер | вики-сөзүглелди эдер]

  • Кайыын медээлел келгенил?