ВИТАМИН Д

Википедия деп сайттан
Витамин Д

ВИТАМИН Д — ону медицинада рахитке удур витамин деп-даа адап турар. Амгы үеде Д витамин-биле дөмей дээштиг дыка хөй чүүлдер тодараттынган, оларны Д1, Д2, Д3 дээш оон-даа ыңай демдеглеп турар. Д витамин хөй нуруузунда дириг амытаннардан алдынган аъш-чемнерде хөй болуп турар. Ынчалзажок эвээш-даа болза мөөгүлерде, чамдык үнүштерде бар. Эът-мага-ботка, эң ылаңгыя уругларга Д витамин чедишпес болза рахит дээр уруглар аарыы тыптып келир. Ынчан аарыг уругнуң диштери хирээленип, курзуюп, дыргактары дагыраарып, достайып, чүстелип, шыңган эъди кошкак, күш чок болгаш ишти шөртейип, бажы улгадыр. Өзүп сайзыраары чажыт өөрүнден дыка тудап чыдып каар. Ындыг уруглар, эң ылаңгыя халдавырлыг аарыгдардан кончуг белен аарыычал апаар. Чамдык улуг киҗилерниң буду дазагар «О» азы «X» хевирлиг, кылаштаары чаяңнааш, чажында рахиттен аарып чораан кижилер болур. Амгы үеде улустуң дурт-сыны дорт, чараш апарганы бистиң амыдыралывыстың экижээнин ол безин демдеглеп турар.

Дөзү[эдер | вики-сөзүглелди эдер]

  1. Доржу Көк-оолович Куулар, Тана Монгушевна Куулар - "ЛЕКАРСТВЕННЫЕ РАСТЕНИЯ В ТУВЕ"