Дамчай, Мария Монгушевна

Мария Монгушевна Дамчай, хѳй-ниитижи, Чаа-Шагонарның бир дугаар комсомол комитединин секретары, Тыва Республиканың баштыңының тѳлээлекчилер совединиң кежигүнү, Улуг-Хем кожууннуң социал камгалал талазы-биле алдарлыг ажылдакчызы, Шагаан-Арыг хоорайның хүндүлүг чурттакчызы, Тыва Республиканың социал политика талазы-биле «Чылдың херээжени-2002, 2003» деп шаңналдарның эдилекчизи. Улуг-Хем кожууннуң Кѳк-Чыраа суурунга тѳрүттүнген болгаш аңаа ѳскен.

Допчу-намдары

Дамчай Мария Монгушовна Улуг-Хем кожууннуң Кѳк-Чыраа суурунга тѳрүттүнген болгаш аңаа ѳскен. Хѳй-ниитижи, Чаа-Шагонарның бир дугаар комсомол комитединин секретары, Тыва Республиканың баштыңының тѳлээлекчилер совединиң кежигүнү, Улуг-Хем кожууннуң социал камгалал талазы-биле алдарлыг ажылдакчызы, Шагаан-Арыг хоорайның хүндүлүг чурттакчызы, Тыва Республиканың социал политика талазы-биле «Чылдың херээжени-2002, 2003» деп шаңналдарның эдилекчизи.
Амгы үеде хүндүлүг дыштанылгада, арбан Кѳк-Чыраада хуу ажыл-агыйлыг. Ооң хоббизи- сүт аймаандан янзы-бүрү чемнерни кылыры. 2019 чылда Тыва Республиканың культура яамызының эрттиргени «Мээң ѳдээмниң маадыры» деп республика чергелиг проектизинге Мария Монгушовнаның холу-биле кылган чаагай чѳкпээн, быштактарның янзы-бүрү хевирлерин, саржаг, сүттүг ногаан шайын чалаткан аалчылар сонуургап амзаан. Проект үезинде Мария Монгушовна бодунуң национал кухняга ажыглап турары рецептилнри-биле арга-дуржулгазын ѳскелерге дамчыдып, харын-даа тѳрээн чериниң дугайында викторинаны эрттиргеш, бодунуң холу-биле кылган ак чемнери-биле шаңналдарны тыпсыр аас-кежиктиг болган. Улуг-Хем кожууннуң информастыг библиотека тѳвү Мария Монгушовнаның сактыышкыннарынга даянып, бир дугаар кыскаметражтыг үш сериялыг «Мээң ѳдээмниң маадырының чуртталгазы» кинону үндүрген. Сактыышкыннарында ол чүгле бодунуң хууда чуртталгазының дугайында чугаалап турар эвес, а республиканың ооң иштинде Улуг-Хем кожууннуң сайзыралының чадаларының дугайында сактып тѳѳгүп берген.

Шаңналдары:

- «Хѳй чылдар иштинде тѳлептиг ажылы» дээш медальдың эдилекчизи;
- Тыва Республиканың Күш-ажылының хоочуну дээш оон-даа хѳй шаңналдарнын эдилекчизи.