Доңгак, Бегзи-Хуурак

Википедия деп сайттан
Перейти к навигации Перейти к поиску

Бегзи-Хуурак Доңгак

Доңгак, Бегзи-Хуурак - Тываның алдарлыг мөгези, Ада-чурт Дайынның киржикчизи (гвардейжи улуг сержант).

Улуг-Хем кожуунда Хендерге сумузунга 1919 чылда төрүттүнген. Тыва Арат Республиканың Наадымнарының 128 мөге киржип турган хүрештеринге 1942-1943 чылдарда ийи улай тергиидеп үнген. "ТАР-нын Начын мөгези" деп аттың эдилекчизи. Ооң адын "Тыванын XX чүс чылда алдарлыг кижилери" деп Күрүне номунче киирген.

Ол Тываның аъттыг шерииниң дайынчызы тургаш, 1943 чылда Делегейниң ийиги дайынынче аъттаныпкан тыва эки турачыларның бирээзи болган. Тываның алдарлыг мөгези Доңгак Бегзи-Хуурак улуг дайынга база алдарлыг тиилелгелерни чедип алгаш, ээп чанып келген. Дайынга эрес-маадырлыг чоруу дээш "Алдар" ордениниң III чергези, Ада-чурт Дайыны ордениң I болгаш II чергелери база хөй-хөй медальдар-биле ол шаңнаткан. Гвардейжи улуг сержант чанып келгеш, ам автономнуг область апарган Тывазының Наадымнарынга катап киржип эгелээн. Ол 1947, 1948 чылдарда, кымга-даа октатпайн, база катап шүглүп үнген.

Дөс[эдер | вики-сөзүглелди эдер]

  1. "Тыванын XX чүс чылда алдарлыг кижилери" деп Күрүне ному.