Дубильдиг бүдүмелдер

Дубильдиг бүдүмелдер дээрге, азоттуг каттыжыышкыннар чок, сугга болгаш спиртке эстиичел, хырбаланчак, бүдүмелдерни хоюдар шынарлыг, алкалоидтер болгаш коргулчун дустары-биле каттышканда эзилбес турнугуушкуннар болу бээр чүүлдерни ынча деп адаар. Шаанда орус чуртунга янзы-бүрү: кештерни дуб дээр ыяштың картын холаан суук чүүл-биле эттеп, чымчадып турган, чүге дээрге дубтуң картында дубильдиг бүдүмелдер кончуг хөй. Дубильдиг бүдүмелдер хувулуп аарыыр, кавыннаашкыннарны эмнээринге ажыктыг болганы-биле медицинада хөйү-биле ажыглап турар. Чижээ: ижин-шөйүндү аарыгларынга, өрттениишкиннерге, кеш аарыгларынга оларны хереглеп турар.

Дөзү

1. Доржу Көк-оолович Куулар, Тана Монгушевна Куулар - "ЛЕКАРСТВЕННЫЕ РАСТЕНИЯ В ТУВЕ"