Дубровский, Николай Григорьевич

Википедия деп сайттан
Перейти к навигации Перейти к поиску

Николай Григорьевич Дубровский

Төрүттүнген хүнү: 29 апрель 1949(1949-04-29) (71 чыл)
Төрүттүнген чери: Красноярск крайның Шушенское районунуң Нижний-Суэтук сууру
Эртем сферазы: Тываның үнүш аймааның шинчилели
Ажыл чери: ТывКУ
Альма-матер: ТывКУ
Эртем деңнели: биология эртемнериниң доктору

Дубровский Николай Григорьевич (29.04.1949 чылда төрүттүнген) — биолог-эртемден, биология эртемнериниң доктору, профессор.

Тыва Республиканың эртем талазы-биле алдарлыг ажылдакчызы, Тыва Республиканың өөредилге талазы-биле алдарлыг ажылдакчызы, ТывКУ-нуң хүндүлүг профессору, Россия Федерациязының дээди профессионалдыг өөредилгезиниң хүндүлүг ажылдакчызы. Кызылда күрүнениң педагогика институдунуң доозукчузу.

Тыва Республиканың күш культура болгаш спорттуң тергиини, Пётрнуң эртем болгаш уран-чүүл академиязының кежигүнү, «Орус ботаниктиг ниитилелдиң» кежигүнү, Делегей чергелиг педагогиктиг өөредилгениң эртем академиязының академиги.

Дээди хуралдың (парламент) депутады (2000—2006), Тываның күрүне университединиң ректору (1999—2009).

Намдары[эдер | вики-сөзүглелди эдер]

Дубровский Николай Григорьевич 1949 чылдың апрель 29-та Красноярск крайның Шушенское районунуң Нижний-Суэтук суурунга төрүттүнген. 1967 чылда Кызылдың №11 ортумак школазын дооскан. 1971 чылда Кызылда күрүнениң педагогика институдунуң биология-химия факультединче кирип алган, 1976 чылда эки дооскаш, «Биология болгаш химия башкызы» деп эртемниг болган. Томуйлаашкын соонда институтка «Агробиостанцияның» директору кылдыр артып калган. 1978 чылда "Ниити биология" кафедразының ассистентизи кылдыр ажылдай берген. 1981 чылда Н. К. Крупской аттыг Москва облазының педагогика институдунуң "Ботаника" кафедразының аспирантуразынче кирип алгаш, 1984 чылда оозун доозуп алган. 1999 чылдың ноябрьдан 2009 чылдың августка чедир Тываның күрүне университединиң ректору чораан. 2000 чылдан Тыва Республиканың Дээди хуралының (парламент) депутады. 2002 чылдан 2006 чылдарда Тыва Республиканың Дээди хуралының төлээлекчилер палатазының депутады чораан. 2010 чылдан Тываның күрүне университединиң чанынга ботаниктиг сад тургузар дээш ажылдап турган, Тываның күрүне университединиң ботаниктиг садының директору, Биология болгаш экология кафедразының профессору.

Эртем ажыл-ижи[эдер | вики-сөзүглелди эдер]

1986 чылда биология эртемнеринге кандидат эртем ажылын камгаланып алган[1].

2009 чылда биология эртемнериниң доктору деп эртем чадазын чедип алган[2].

6 монографияның автору, 100 ажыг эртем болгаш эртем-өөредиглиг ажылдарның автору[3].

Шаңнал-макталдары, ат-алдары[эдер | вики-сөзүглелди эдер]

  1. «Тыва Республиканың өөредилгезиниң алдарлыг ажылдакчызы" деп хүндүлүг ат, (1997)
  2. Тыва Республиканың Дээди хуралының хүндүлүг бижии, (2001)
  3. ТывКУ-нуң ректорунуң хүндүлүг бижии, (2003)
  4. Тыва Республиканың Дээди хуралының төлээлекчилер палатазының хүндүлүг бижии, (2004)
  5. Амгы шагның ниитилелиниң интеллектуалдыг хөгжүлдезинге үлүг-хуузу дээш "Сократ аттыг медаль" (Оксфорд университеди, Великобритание), 2005[4]
  6. Тыва Республиканың Өөредилге болгаш эртем яамызының хүндүлүг бижии, (2013)
  7. ТывКУ-нуң алдарлыг профессору, (2015)
  8. Кызыл хоорайның хөгжүлдезинге үлүг-хуузу дээш медаль, (2015)
  9. Тыва Республиканың Бойдус курлавыры болгаш экология яамызының хүндүлүг бижии, (2015)
  10. «Тываның күрүне университединиң алдарлыг профессору» деп хүндүлүг ат, (2015)

Дөс[эдер | вики-сөзүглелди эдер]

http://www.centerasia.ru/issue/2003/11/5198-dubrovskiy.html

Шөлүлгелер[эдер | вики-сөзүглелди эдер]

  1. https://search.rsl.ru/ru/record/01003163104
  2. https://famous-scientists.ru/list/353
  3. Эртем ажылдарының даңзызы: https://famous-scientists.ru/list/353
  4. https://www.tuvaonline.ru/2005/04/26/dubrovskiy.html