Дүжер-меде
Дүжер-меде (орус. Люцерна, лат. Medicágo) - Бобтар (Fabaceae) өгбезиниң чаңгыс азы көвей чылдыг оъду азы чартык-чадаң-ыяжы, ооң 83 хевири бар. Ооң янзылары колдуунда Ортаадалай кавызында черлерге өзер. Тывада дүжер-медениң 3 хевири бар. Төвүт медицинада эм чүүл кылдыр дүжер-медениң шупту хевирлерин ажыглап турар.
Адының тывылганы
[эдер | вики-сөзүглелди эдер]Аймааның латин ады Medicágo болза грек μηδική (πόα) сөстен келген, утказы болза: «мидий (оът)» - Мидиядан Грецияже келген болгаш. Орус адының тывылганы: латин "lucere" — "светить" деп сөс болза чадапчок.
Тывада бар хевирлери
[эдер | вики-сөзүглелди эдер]- Дүжер-меде хмель хевирлиг - (орус. Люцерна хмелевидная);
- Дүжер-меде тарымал - (орус. Люцерна посевная);
- Дүжер-меде кадыырзыг - (орус. Люцерна серповидная).
Өзүп үнүп турар черлери
[эдер | вики-сөзүглелди эдер]Кургаг шыктарлыг ийлер, кужурларлыг шыктар, элезиннер, чыдымнар, ховулар, даглар эдектери болгаш ховуланы берген шыктар.
Хереглеттинер чүүлдери: сигени.
Белеткээр үелери: июнь-август.
Ажыглаары
[эдер | вики-сөзүглелди эдер]Кургадып каан чечектерлиг сывын нерви аарыгларында мага-бот оожургадыр чүүл кылдыр ажыглап турар. Сугга хандылап алгаш, ижип эмненир.
Төвүт медицинада
[эдер | вики-сөзүглелди эдер]Төвүт ады: "Бу-су-хаң" - Кадыырзыг дүжер-меде.
Хереглеттинер чүүлдери: сигени.
Ажыглаары: өкпе аарыгларында ижер, а оон ыңай балыгларны экиртир эмнээрде, примочкалар кылыр.
Дөзүк
[эдер | вики-сөзүглелди эдер]- Серенот Станислав К. "Тыва улусчу эмнээшкин:эм оъттар, үнүштер, чааттар, мөөгүлер; моол, тибет, кыдат улусчу медициналар-биле чергелештирип бижээни". Тываның ном үндүрер чери, 2009. ISBN 5-7655-0636-4