Кахведжи, Нихат

Нихат Кахведжи
Төрүттүнген	1979 ноябрьның 23(1979-11-23) (45 хар) Истaнбул, Турция
Хамаатылалы	Турция
Узуну	175 см
Позиция	фланговый полузащитник
Клуб	Вильярреал
Должность	кол тренерниң дузалакчызы
Карьера
Клубка карьера*
1997—2002	Бешикташ	115 (27)
2002—2006	Реал Сосьедад	101 (57)
2006—2009	Вильярреал	52 (18)
2009—2011	Бешикташ	34 (3)
Чыынды команда**
1998	Турция (19 хар чедир)	1 (1)
1998—2000	Турция (21 хар чедир)	24 (1)
2000—2010	Турция	69 (19)
* Профессионалдыг клуб дээш оюнарын болгаш голдарын чүгле националдыг чемпионттарның аңгы-аңгы лигалары дээш санаар. ** Националдыг чыынды-биле официалдыг матчтарга оюннары болгаш голдары.
Делегей чемпионады Хүлер Корея/Япония 2002 Конфедерация Кубоктары Хүлер Франция 2003 Европа чемпионады Хүлер Австрия/Швейцария 2008

Ниха́т Кахведжи́ (тур. Nihat Kahveci; 23 ноябрь 1979, Стамбул, Турция) — турк футболчу, халдакчы. Турцияның «Бешикташ» клувундан эгелээш, Испанияның шыырак дээн «Реал Сосьедад», «Вильярреал» клубтарынга ойнап чораан. Турцияның чыынды командазы дээш аныяктар аразынга-ла 1998 чылдан тура ойнап эгелээн. Кол составынче 2000 чылда киргеш, 2010 чылга чедир ойнап келген.

Карьеразы

Нихат — «Бешикташ» деп турк клубтуң кижизиткен, өстүргени футболчу. 1996-1997 чылдарның сезонунда ойнап турар үеде ону «Бешикташ» клувунуң кол тренери эскерип кааш, 1997 чылда-ла чалап апарган. Аңаа келгеш дораан бодун тулган ойнакчы кылдыркөргүскен. Бешикташ клувунга ол чаңгыс эвес удаа Турцияның чемпионаттарын удуп, Турцияның Кбуогунуң эдилечизи база болган.

2002 чылдың январьда Нихат испан «Реал Сосьедад» клубче шилчээн. 2002—2003 сезонда Нихат 23 гол киир тепкеш, Испанияның Премьер-Лигазының ийиги халдакчызы болган. Ону чүгле Рой Макай ашкан. Нихат шөлге Дарко Ковачевич-биле кады дыка эки ойнаар боорга, Фил Бол деп журналист ол ийи халдакчыларны «бедик биле чолдак» деп адап каан (Нихаттың бедии — 175 см, а Ковачевичтиң — 187 см).

Ол Чемпионнар Лигазынга база ойнап турган.

2006 чылдың май 16-да турк футболчу «Вильярреалче» шилчип алган.

2009 чылда «Бешикташ» клувунга катап эглип кээп, 2010 чылга чедир ойнаан.

Турцияның чыынды командазы дээш бир дугаар 2000 чылда Швецияның чыынды командазынга удур ойнаан.

2002 чылдың Делегей чемпионадынга Турцияның чыынды командазының составында хүлер шаңналды чаалап алган.

2003 чылда база-ла Турцияның чыынды командазының составында Конфедерация кубогунуң хүлер шаңналын ойнап алганнар.

2008 чылда Европаның чемпионадында база хүлер шаңналдың эдилекчилери.

Нихат колдуу халдакчы кылдыр ойнаар, ынчалза-даа чамдыкта халдаар чартык-халдакчы кылдыр база ойнап болур. 2012 чылдың январь 17-де бодунуң футболчу карьеразының төнгенин 32 харлыг халдакчы Кахведжи Нихат чарлаан.

Чедиишкиннери

Бешикташ

• Турцияның кубогунуң эдилекчизи: 1998, 2011

Реал Сосьедад

• Испанияның чемпионады: 2003 (мөңгүн)

Вильярреал

• Испан Примера 2008: (мөңгүн)

Турцияның чыынды командазы

• Делегей чемпионады: 2002 (хүлер)
• Конфедерация кубогу: 2003 (хүлер)
• Европа чемпионады: 2008 (хүлер)