Манджушри

Википедия деп сайттан
Бодхисаттва Манджушри (Мондзю) Сэнкодзи хүрээзинде, Хиросима префектуразы, х.Ономити, Япония
Хүлерден Манджушри бодхисаттва, Япония, Британ музей

Манджушри (төв. Чамбеляң, санскр. मञ्जुश्री, Mañjuśrĩ; кыд. Вэнь-шу; яп. 文殊 / Мондзю) – Буддизмде мерген угаанны сайзырадыр, камгалаар Бурган. Будда Бурганның мерген угаанының илерели, чаяалгазы. Адының утказы: "Чараш солаңгы" азы "Чырык буян".

Мага-боду[эдер | вики-сөзүглелди эдер]

Оң талакы холунда угаанның мугулайын үзе шаап турар мерген угаанның селемезин туткан, солагай холуна Өөредигни демдеглеп көргүскен судур салып каан бадма чечее тудуп алган.

Тариназы[эдер | вики-сөзүглелди эдер]

Манджушриниң тариназы: ОМ А РА ПАЦА НА ДИ. Ону номчуур болза, угааны сайзыраар. Ылаңгыя өөреникчилер, сургуулдар, угаан ажылы кылып турар, чон мурнунда ажылдап чоруур кижилер номчуур болза кончуг эки, чечен-мерген болурунга дузалаар. Чугаазы тодаргай эвес азы боскунда кезиишкин эрткен улуска база кончуг дузалыг.

Дөзүк[эдер | вики-сөзүглелди эдер]

  1. Геше Лобсаң (Ловзаң) Тхүптен. "Чырык дуза - 3. Сүзүк болгаш дагылга". Тыва дылда. Кызыл: ОАО "Тываполиграф", 2012 - 200 а.