Моңгуш, Начын Владислав оглу
|
Начын Владислав оглу Моңгуш | |
|---|---|
Моңгуш Начын Владислав оглу (1988 чылда Чөөн-Хемчик кожууннуң Хайыракан суурунга төр.) – Тыва Республиканың Начын Мөгези, РФ сумо хүрешке спорт мастери. Ийи дакпыр Тыва Республиканың аныяктар хүрежинге чемпионап турган. Делегейниң, Россияның, Европаның чемпиону, 2010 чылда Бээжиңге болган сумо хүрешке чемпион болган.
Начынның арга кылыр тактиктиг белеткели тускай, ынчангаш көрүкчүлер ооң хүрежин хөлчок магадаар, сонуургаар. Арга кылырынга эптиг байдалды чаалап ап, онааның көрүжүн, тыныжын, базымын болгаш тудужун кичээңгейлиг шинчилээр.
Ооң иштики өртемчейин кижи болганы-ла билип шыдавас. Чогум ол кайгамчыктыг биче сеткилдиг, оожум бүдүштүг, ээлдек-эвилең кижи.
Арзылаң мөге Маадыр-оол Моүгуштуң 3-4 чыл белеткээн түннелинде, бичии Начын 17, 18 харлыында аныяк мөгелер аразыга Наадымга шүүлгеш, 19 харлыында Улуг Наадымга (256 мөге) үжүүрлешкен. Ол бир-ле дугаар болуп эрткен Олимпий оюннарынче кирбейн турар спорттуң хевирлеринге ("Бүгү Делегей Оюннары 2010") 85 килге сумо хүрешке кончуг шыырак япон мөгени октааш, тиилээн.