Ооржак, Лидия Хорагай кызы
Ооржак Лидия Хорагаевна (1958 чылдыӊ декабрь 17-де Чөөн-Хемчик кожууннуң Чыраа-Бажы сумузунда Шанактыг-Өдек деп черге төрүттүнген) - шүлүкчү, тыва чгаал шинчилекчизи, эртем ажылдакчызы, Тыва дыл болгаш чогаалдың дээди категорияның башкызы, Россия Федерациязының ниити ѳѳредилгезиниң хүндүлүг ажылдакчызы, Россия чергелиг «Тергиин башкы» деп мөөрейниӊ тиилекчизи, РФ-тиӊ Ниити өөредилге яамызының баштайгы грантызының эдилекчизи.
Намдары[эдер | вики-сөзүглелди эдер]
1958 чылдыӊ декабрь 17-де Чөөн-Хемчик кожууннуң Чыраа-Бажы сумузунда Шанактыг-Өдек деп черге төрүттүнген.
1975 чылда Чыраа-Бажыныӊ ортумак школазын дооскаш, Кызылдыӊ педагогика училищезинге өөренип кирген.
1978 чылда Кызылда күрүнениӊ педагогика институдунуӊ филология факультединче өөренип киргеш, 1983 чылда ону доозуп, «Тыва дыл болгаш чогаал, орус дыл болгаш чогаал башкызы» деп мергежилди чедип алган.
2009-2010 өөредилге чылында Кызылдыӊ школа-интернадынга тыва дыл, чогаал башкызы болуп ажылдаан. Ол школа-интернатка ажылдап турган үезинде Кызылдыӊ 95 чыл ою, Алдан-Маадыр аттыг чурт-шинчилел музейиниӊ 80 чыл оюнга тураскааткан «Музейге кичээлдер» деп хоорай башкыларыныӊ аразынга мөөрейге киришкеш, «Краеведение» (Чурт-шинчилел ажылы) деп номинацияга ийиги чергениӊ диплому-биле шаӊнаткан.
2010 чылда Тиилелгениӊ 65 чыл оюнга тураскааткан өөреникчилерниӊ «Келир үеже базым» деп эртем-практиктиг конференциязынга 8-ки класстыӊ өөреникчизи Донгак Чолдуг Л.Х.Ооржактыӊ удуртканы «Тыва эки турачы Сендажы» деп илеткелин номчааш, 2-ги черни алган. Ол ажыл «Первое сентября» деп журналда парлаттынган.
2010 чылдан тура Тыва Республиканың Аграрлыг лицейиниң Тыва дыл, чогаал башкызы болуп ажылдаан.
Амгы үеде Тыва Республиканың Өөредилге болгаш эртем яамызының Национал школа хөгжүдер институдунуң эртем ажылдакчызы.
Шаңнал-макталдары, алдар-ады[эдер | вики-сөзүглелди эдер]
ТР-ниӊ тыва дыл, чогаал башкыларыныӊ «Чылдыӊ башкызы» деп мөөрейлеринге 2 удаа киришкен. 2002 чылда баштайгы мөөрейге киришкеш, «Чүрээмни уругларга өргүп тур мен» деп аттыӊ эдилекчизи болган. 2010 чылда ол-ла мөөрейге киришкеш, республиканыӊ тыва дыл, чогаал башкыларыныӊ аразынга 1-ги черни ээлеп, «2010 чылдыӊ башкызы» деп атты чаалап алгаш, Москвага Россияныӊ төрээн чогаал башкыларыныӊ аразынга мөөрейге киришкен. «Эртем-шинчилел ажылдары» деп номинацияга диплом-биле шаӊнаткан.
Россия Федерациязының ниити өөредилгезиниң хүндүлүг ажылдакчызы
Ажылдары[эдер | вики-сөзүглелди эдер]
Лидия Ооржак: как учить детей родному языку и литературе
Элементы фольклора в поэзии Алексея Бегзин-оола
Лидия Ооржак «Тывам оглу» Archived 2021-09-17 at the Wayback Machine
Дөс[эдер | вики-сөзүглелди эдер]
Чөөн-Хемчик кожууннуӊ чогаалчылары
Шөлүлгелер[эдер | вики-сөзүглелди эдер]
Филологический факультет Archived 2018-11-23 at the Wayback Machine