Оюн, Дина Ивановна
|
Дина Ивановна Оюн | |
|---|---|
 | |
| Төрүттүнген хүнү | 25 июнь 1963 (61 чыл) |
| Төрүттүнген чери | Кызыл, Республика Тыва, РСФСР, СССР |
Дина Ивановна Оюн (1963 чылдың июнь 25, Кызыл хоорай, Тыва Республика) — российжи политик, Россия Федерациязының Федералдыг Чыыжының Федерация Чөвүлелинде Тыва Республиканың күрүне эрге-чагыргазының хоойлу-дүрүм үндүрер органындан төлээзи.[1].
Намдары
[эдер | вики-сөзүглелди эдер]Дина Оюн родилась 1963 чылдың июнь 25-те Тыва Республиканың Кызыл хоорайга төрүттүнген.
Москваның «Чоннар найыралы» орденниг күрүнениң «Морис Торез» аттыг даштыкы дылдар институдунга өөренгеш, «даштыкы дылдар: англи болгаш испан дылдар» деп эртем чедип алган. Ооң соонда ВЛКСМ-ниң Төп комитединиң чанында Комсомолдуң дээди школазынга немелде эртем чедип алган.
1985 чылда ВЛКСМ-ниң Кызылда хоркомунуң Кызылдың авто-орук техникумунуң харыысалгалыг секретары кылдыр ажылдай берген. 1988 чылдан тура комсомолчу организациялар килдизиниң инструктору, ВЛКСМ-ниң комсомолчу организациялар болгаш кадрлар-биле ажыл килдизиниң Төп чер секторунуң эргелекчизи, ВЛКСМ-ниң сургуулдар отрядының Тывада область штавының комиссары болгаш «Надежда» аттыг аныяктар организацияларының каттыжыышкынының директору кылдыр ажылдап чораан[2].
1991 чылдан Тыва гуманитарлыг төптүң директору кылдыр ажылдай берген. Ооң соонда телевидениеге корреспондентилей берген, улаштыр «Доңмас-Суг» аттыг уран чүүл каттыжыышкынының редактору база ГТРК «Тыва» телевидениениң редактору бооп ажылдаан. 1999 чылдан тура Тыва Республиканың Дээди хуралының Аппарадының информация-сайгарылгалыг эргелелин удуртуп турган[3].
2003 чылда Россияның Даштыкы херектер яамызының Дипломаттыг академиязының дипломун холга туткан. Чедип алган эртеми «Специалист в области международных отношений».
2007 чылдан Тыва Республиканың Чазааның Даргазының сүмелекчизи. 2010 чылда Тыва Республиканың Чазааның Даргазының оралакчызы кылдыр томуйлаттырган.
2012 чылдан 2013 чылга чедир АНО ИА «Тува-Онлайн» агенствонуң кол редактору.
2013 чылдың сентябрь 9-тан Кызыл хоорайның Төлээлекчилер Хуралының депутады кылдыр соңгуттурган, а сентябрь 25-тен Кызыл хоорайның Төлээлекчилер Хуралының даргазынга чаңгыс үн-биле соңгуттурган. Ооң-биле чергелештир 2018 чылга чедир Тыва Республиканың Кызыл хоорайының баштыңы кылдыр ажылдап чораан.
2019 чылда Дина Оюн НО ИА «Тува-Онлайн» агенствонуң кол редактору кылдыр эглип келген.
2019 чылдың сентябрьда Тыва Республиканың Дээди Хуралының депутады кылдыр соңгуттурган. Октябрь 14-те депутаттарның шиитпири-биле Россия Федерациязының Федералдыг Чыыжының Федерация Чөвүлелинде Тыва Республиканың күрүне эрге-чагыргазының хоойлу-дүрүм үндүрер органындан төлээзи кылдыр чоруттурган[4].
Шаңналдары
[эдер | вики-сөзүглелди эдер]
- «Тиилелге» аттыг Россияның организастыг комитединиң стол кырынга салыр медалы;
- «Тыва Республиканың алдарлыг ажылдакчызы» деп хүндүлүг ат.
Демдеглелдер
[эдер | вики-сөзүглелди эдер]- ↑ Структура (орус). Совет Федерации Федерального Собрания Российской Федерации. Хынаан 21 Он айның 2019.
- ↑ Виолетта Чанзан. Дина Оюн: Из депутата в сенаторы. Депутаты ВХ РТ проголосовали за кандидатуру Дины Оюн в Совет Федерации (орус). Тува Медиа Групп (2019-10-14). Хынаан 21 Он айның 2019.
- ↑ Оюн Дина Ивановна - Верховный Хурал (парламент) Республики Тыва. www.khural.org. Хынаан 21 Он айның 2019.
- ↑ Сенатором от Тувы Верховный Хурал назначил Дину Оюн. news.myseldon.com. Хынаан 21 Он айның 2019.
Шөлүглер
[эдер | вики-сөзүглелди эдер]1. Член Комитета Совета Федерации по бюджету и финансовым рынкам Оюн Дина Ивановна
2. ДИНА ОЮН. Я ЛЮБЛЮ СЛУХИ О СЕБЕ
3. Дина Оюн наделена полномочиями члена Совета Федерации Федерального Собрания Российской Федерации
4. Дина Оюн – новый энергичный политический тяжеловес от Тувы
5. Парламент Тувы в Совфеде представит экс-глава Кызыла Дина Оюн
6. За государственную электронную Туву будет отвечать Дина Оюн