Речбер, Рүштү

Википедия деп сайттан
Перейти к навигации Перейти к поиску
Футбол
Рүштү Речбер
RUSTU RECBER WITH AHMET TURGUT.jpg
Төрүттүнген Lua алдаг: expandTemplate: template "ref-mul" does not exist.
Хамаатылалы Турция Турция
Узуну 186 см
Позиция вратарь
Клуб карьеразын дооскан
Карьера
Клубка карьера*
1988—1993 Турция Антальяспор 1 (−?)
1993—2003 Турция Фенербахче 246 (−?)
1993—1994  Турция Антальяспор 33 (−?)
2003—2004 Испания Барселона 4 (−6)
2004—2007 Турция Фенербахче 54 (−?)
2007—2012 Турция Бешикташ 95 (−89)
Чыынды команда**
1992—1993 Турция Турция (до 21) 12 (−12)
1994—2012 Турция Турция 120 (−118)
* Профессионалдыг клуб дээш оюнарын болгаш голдарын чүгле националдыг чемпионттарның аңгы-аңгы лигалары дээш санаар.
** Националдыг чыынды-биле официалдыг матчтарга оюннары болгаш голдары.
Делегей чемпионады
Хүлер Южная Корея/Япония 2002
Конфедерация Кубоктары
Хүлер Франция 2003
Европа чемпионады
Хүлер Австрия/Швейцария 2008
Commons-logo.svg Викишыгжамырда медиафайлдар Викишыгжамырда

Рүштү Речбе́р (орус. Речбер Рюштю, тур. Rüştü Reçber; 10 май 1973, Коркутели, Анталья) — турк футболчу хаалгачы (вратарь). Турцияның чыынды командазы дээш ойнаан оюннары-биле бирги черде — 120 маргылдаа; чыынды команда дээш сөөлгү оюнун 2012 чылдың май 26-да ойнаан[1].

Делегейниң болгаш Европаның бирги чери дээш маргылдааларның хүлер шаңналдарының эдилекчизи Турцияның футболда чыынды командазының болгаш «Фенербахче» (10 чыл) деп турк футбол клувунуң хөй чылда кол хаалгачызы деп билдингир. Турцияның эң сураглыг футболчузу. ФИФА 100 даңзызынче кирип турар.

Футболчу карьеразы[эдер | вики-сөзүглелди эдер]

Клубка карьеразы[эдер | вики-сөзүглелди эдер]

12 харлыында Рюштю «Коркутелиспор» деп бодунун төрээн хоорайында футболчу клубка ойнап эгелээн, 3 чыл болганда «Антальяспора» деп клубтуң составынче кирген. Эгезинде Речбер команданың үш дугаар хаалгачызы турган, ынчангаш беш чыл ойнап келгеш, шөлче ойнап каш-ла катап үнген.

1993 чылдың чайынында Турцияның алдарлыг «Фенербахче» клуву-биле керээ чарганының соонда хамык чүве өскерилген. Стамбулдуң клуву Рюштюну «Антальяспорга» кезек када хөлезилеп арттырып каан. Ынчан клубтуң тренерлери ону кол хаалгачы кылдыр шенеп көөр деп шиитпирлеп алган. Речбер ол магатты шын ажыглап шыдаан, ол сезонну эки ойнааш, командазын Суперлигаже үндүреринге үлүг хуузун киирген.

«Фенербахчеге» келгенде, баштай ол клубтуң ийиги хаалгачызы болуп турган, ынчалза-даа 1995 чылдың чазынында клубтуң кол хаалгачызы, Энгин Ипекоглу, кемдээш ойнап чадай берген, ынчан Речбер ооң орнунга хаалгага турупкан. Ооң соонда сес чыл иштинде Рюштю команданың кол хаалгачызы болуп келген. Речберниң эки оюнунуң ачызында командазы ийи катап Турцияның тулган чемпионнары болган. Боду 2001 чылда чуртуң эң тергиин ойнакчызы болган[2].

2003 чылдың чайынында Рюштю «Барселона-биле» керээ чарып алган, ынчалза-даа баштайгы маргылдааларында-ла элээн хөй частырыглар кылгаш, ийиги хаалгачы кылдыр олурупкан.

Ол-ла кыжын Речбер «Фенербахчеже» катап эглип келгеш, катап дораан кол хаалгачы апарган. 2007 чылга чедир клувунга 3 катап чемпион боорунга дузалашкан. 2007 чылда клуб-биле керээзи төнүп турган, ынчангаш оон эки ашкалыг кылдыр катап керээ чарып алыр дээрге, клубтуң удуртулгазы ынаваан, ынчангаш ол чорупкан.

Речбер улаштыр «Фенербахчениң» кол удурланыкчызы «Бешикташче» шилчий берген. Аңаа Рюштю база бир катап Турцияның чемпиону болган, база Турцияның Кубогунуң ийи катап эдилекчизи болган. 2012 чылдың чазынында Речбер футболчу карьеразын дооскан.

Турцияның чыынды командазы[эдер | вики-сөзүглелди эдер]

Бир чыл иштинде Речбер Турцияның чыынды аныяктар командазынга ойнаан, а 1994 чылда Турцияның улуг чыынды командазынга киргеш, дораан кол хаалгачы апарган. Рюштюнуң баштайгы саргылдаалары-ла Евро-1996 база 2000 апарган, ынчалза-даа чыынды командага-даа, хаалгачының бодунга-даа ол хөй алдар эккелбээн.

2002 чылда Делегей чемпионадынга Турцияның чыынды командазы бодунуң төөгүзүнде эң тергиин түңнелди көргүзүп, чартык-финалга чедир ойнаан, ооң түңнелинде 3-кү черге төлептиг болганнар. Речбер маргылдаага үш удаа «тик кылдыр» турупкан, ооң иштинде плей-оффка эң кол Япония болгаш Сенегалдың чыынды командаларынга удур оюннарга. Маргылдааның түңнелинде Речбер Оливер Кан-биле кады маргылдааның символиктиг чыынды командазының даңзызынче кирген.

Дараазында база чыынды команда дээш сөөлгү маргылдаазы Евро-2008 болган, аңаа 35 харлыг хаалгачы ийиги хаалгачы кылдыр келгеш, Хорватияга удур маргылдаага үнүп келгеш, командазын чартык-финалче үндүрген. Германияның командазынга удур чартык-финалга 2:3 кылдыр уттурган соонда Речбер делегей чергелиг карьеразын дооскан.

Чедиишкиннери[эдер | вики-сөзүглелди эдер]

«Фенербахче»
  • Турцияның чемпионады: 1995/96, 2000/01, 2003/04, 2004/05, 2006/07
  • Кубок TSYD: 1996, 1997
  • Премьер-министрниң кубогунуң эдилекчизи: 1998
  • Ататюрктуң кубогунуң эдилекчизи: 1998
«Барселона»
  • Испанияның чемпионадының ийиги чери: 2003/04
«Бешикташ»
  • Турцияның чемпиону: 2008/09
  • Турцияның кубогунуң эдилекчизи: 2008/09, 2010/11
Турцияның чыынды командазы
  • Футболга делегей чемпионадының хүлер шаңналы: 2002
  • Конфедерация кубогунуң мөңгүн шаңналы: 2003
  • Европа Чемпионадынын мөңгүн шаңналы: 2008[3]

Демдеглелдер[эдер | вики-сөзүглелди эдер]

Шөлүглер[эдер | вики-сөзүглелди эдер]