Родевич, Вячеслав Михайлович

Вячеслав Михайлович Родевич
Төрүттүнген хүнү:	1878 февральдың 18(1878-02-18)
Мөчээн хүнү:	1942 марттың 24(1942-03-24) (64 хар)

Родевич Вячеслав Михайлович (1878 чылдың февраль 18, Петербург — 1942 чылдың март 24, Ленинград) — совет гидролог база гидротехник. Техниктиг эртемнерниң доктору (1937), Улуг-Хемниң (Енисей) шинчилекчилериниң бирээзи.

Намдары

1901 чылда Петербургтуң орук-суур инженерлериниң институдун дооскан. Россияның Орук-суур яамызының Иштики суг оруктарының эргелелинге ажылдап турган. 1911 чылдан тура Иштики суг оруктарының эргелелиниң Россияның суг шинчилээр килдизиниң эргелекчизи. 1901-1918 чылдарда Родевичтиң удуртулгазы-биле Сунгари, Енисей, Лена хемнерниң, Кавказ, Карелияның хемнериниң, Днепровско-Балтийский, Камско-Печёрский, Лаче-Кубенский, Обь-Енисей хем каттыжыышкыннарының шинчилелдери болган.

1921-1927 чылдарда Волховстрой база Свирьстрой тудуунга улуг бүгү талалыг шинчилелдерни кылып турган. Ооң түңнелинде хемге тудуг чорударының шинчилелдериниң чаа методиказының үндезиннери тургустунган болгаш быжыглаттынган.

1929 чылдан тура Күрүнениң гидрологтуг институдунуң хем килдизиниң эргелекчизи. Аңаа ажылдап тургаш, «ССРЭ-ниң суг кадастрын» тургузуп, ССРЭ-ниң хемнериниң сан болгаш шынар талазы-биле тускай демдектериниң методун болгаш оларның классификациязын тургускан.

1930 чылдан 1938 чылдарда Ленинградтың политехтиг институдунуң профессору.

Бижээн ажылдары

1. Сунгари от истока до впадения в Амур, ч. 1—3, СПБ, 1906;

2. Очерк реки Сунгари, СПБ, 1908;

3. Очерк Урянхайского края (Монгольского бассейна реки Енисея), СПБ, 1910 (Управление внутренних водных путей и шоссейных дорог, в. 24).

Литература

1. Близняк Е. В., Иванов П. В., Памяти В. М. Родевича, «Метеорология и гидрология», 1953, № 2.

2. Тихоцкий, К. Г., Чеботарев А.И., Большая Советская Энциклопедия М.: "Советская энциклопедия", 1969-1978

Шөлүглер

Улуг Совет Энциклопедия: Родевич Вячеслав Михайлович