Кенденбиль, Ростислав Докур-оолович
|
Ростислав Докур-оолович Кенденбиль | |
|---|---|
|
орус. Ростислав Докур-оолович Кенденбиль | |
| Төрүттүнген хүнү | 1922 майның 30[1] |
| Мөчээн хүнү | 1993 январьның 3[1] (70 хар) |
Ростислав Докур-оолович Кенденбиль — Тываның баштайгы композиторларының бирээзи.
Намдары
[эдер | вики-сөзүглелди эдер]Ростислав Кенденбиль 1922 чылдың май 30-де Чөөн-Хемчик кожууннуң Кара-Дытка төрүттүнген. Бичии турда шолазын Кошкар-оол дээр турган. 14 хар чеде бээрге ада-иези Чадаана хоорайның школа-интернадынче өөредип чоруткан. Үш чыл болгаш Горно-Алтайск хоорайже өөренип чоруткан. Тываже эглип келгеш Кызыл хоорайның хөгжүм болгаш шии театрының студиязынга өөренип турган. Өөредилге чылдарындан 1954 чылга чедир театрга актер, оркестр артизи, инструменталист-аккомпаниатор болуп ажылдап чораан.
Бир дугаар ырызын 1954 чылда бижээн. Ол-ла чылын Ленинград хоорайның хөгжүм училищезинче өөренип чоруткан. Аңаа Кенденбильниң чаа ырылары, скрипка болгаш фортепиано пьесалары, "Чечен биле Белекмаа" деп операзы бижиттинген.
Тываже 1958 чылда эгилгеш бүдүрүмчелиг ажыл-чорудулгазын идекпейлиг эгелээн. Ооң чаа бижээн ырыларын бүгү Тыва ырлап эгелээн.
1969-1972 чылдарда Ленинград хоорайның консерваториязынга профессор А.С.Леманның удуртулгазы-биле стажировканы эрткен. Стажировка эрткен соонда Россияның композиторлар эвилелиниң кежигүнү аппарган.
1985 чылда Тываның композиторлар эвилелиниң даргазы кылдыр шилиттирген.
Дөзү
[эдер | вики-сөзүглелди эдер]- ↑ 1,0 1,1 Историческая энциклопедия Сибири / под ред. В. А. Ламин — Новосибирск: 2009. — ISBN 5-8402-0230-4