Сай, Зехра
Майык:Художник Зехра Сай (төрүттүнгенде ады Фатьма Зехра Бильгин; 18 февраль 1906 — 16 декабрь 1990) — турк херээжен чурукчу, база ол ышкаш 1926 чылда чаа үнген өг-бүле хоойлузунуң аайы-биле өгленип алган турк херээжен. Ооң мурнунда ислам шажын аайы-биле өгленип турган. Херээжен улустуң эргелери дээш тулчуушкуну-биле Ататюрктуң үезиниң бир сүлде демдектериниң бирээзи апарган. Чурукчу кылдыр ол бойдус, чечектер база чимис чуруп алдаржаан. Эмель Сай деп чурукчунуң авазы база пианист Фазыл Сайның кырган-авазы.
Намдары
[эдер | вики-сөзүглелди эдер]1906 чылда Стамбулга төрүттүнген. 1925 чылда Измирге педагогиктиг лицей дооскан. 1926 чылда февральдың 18-те математик Фуат Сайга өгленип алган. Оларның өг-бүлезин чаа үнген өг-бүле хоойлузунуң аайы-биле бир дугаар бүрүткээн. Ооң мурнунда ислам шажын аайы-биле өгленип турган. Олар ийи ажы-төлдүг болганнар: Эмель биле Аркан.
Өгленген соонда Нарын уран-чүүл академиязын 1929 чылда дооскан. Ооң соонда 36 чыл дургузунда чуруун уран чүүл башкылап турган. 1960-70 чылдарда АКШ-ка башкылаан.
Зехра Сайның баштайгы делгелгези 1982 чылда Стамбулга болуп эрткен, ооң соонда делгелгелери хөй удаа болуп турган[1]. Ниитизи-биле Сайның 10 хууда делгелгелери болган, артканнары кым-бр кижи-биле каттышкан делгелгелер.
Альцгеймер аарый бергеш Сай «Остров Мауи» деп чуруун доозуп шыдавайн баргаш, уруу Эмель Сайны доозуптар кылдыр чагаан. Ол үеде чеже-даа чурукчу эвес турган болза, ол чурукту ол доозупкан. Соонда барып, делгелге үезинде ол чурукту скульптор Гюрдал Дуяр эскерип, дыка эки деп демдеглээн. Ол байдал Эмельди чурукчу боорунга салдарлыг болганы чадапчок.
1990 чылдың декабрь 16-да чок болган.
Өг-бүлези
[эдер | вики-сөзүглелди эдер]1926 чылдың февраль 18-те, Зехра Сай 20 харлыг турарда, башкы кылдыр ажылдап турган. Ынчан ол математика башкызы Фуат Сай-биле өгленип алган[2][3].
Ол өг-бүле бадыланчыышкынының дугайында медээни юстиция сайыды Махмут Эсат Бозкурт боду хууда бижип үндүрген.
Демдеглелдер
[эдер | вики-сөзүглелди эдер]- ↑ Minyatürde Gemiler (tr). HorHor (1991).
- ↑ Menteşoğlu, Behman Evet mi? Hayır mı?, Evlilik zor, bekârlık hoş zanaat! (tr) // Este Magazin. — Academy Istanbul Education and Culture Foundation, 2016. — Ekim (num. 6). — S. 53.
- ↑ Aydoğan, Tolga Türkiye’deki İlk Resmi Nikah (tr). tolgaaydogan.com (2017).
- ↑ Şahamettin Kuzucular. Zehra Say( 1906 İstanbul – 2004 ten sonra ) (tr). edebiyatvesanatakademisi.com (16 September 2015). Archived 20 апрель 2018 at the Wayback Machine
- ↑ Zehra Say (tr). TurkishPaintings.com.
- ↑ Майык:Cite report
- ↑ Fuar'da Çifte Kumrular Heykeli açıldı (tr). izmir.bel.tr. İzmir Metropolitan Municipality (1 May 2002). Archived 13 май 2018 at the Wayback Machine
- ↑ Yarım kalan ada tablosu tamamlandı (tr) (14 December 2004).
- ↑ Yarım kalan ada tablosu tamamlandı (tr) (2004-12-14).
- ↑ ÇAĞDAŞ TÜRK SANATI TARİHİ (tr). megep.meb.gov.tr. Ankara: Ministry of National Education (2012).