Сепсякова, Татьяна Фёдоровна

Википедия деп сайттан
Перейти к навигации Перейти к поиску

Татьяна Фёдоровна Сепсякова

Төрүттүнген хүнү 1927 декабрьның 9(1927-12-09)
Мөчээн хүнү 1981 сентябрьның 17(1981-09-17) (53 года)
Чурт

Татьяна Фёдоровна Сепсякова (9 декабрь 1927 чылда, көдээ суур Палтога, Вытегорский район, Вологодск область17 сентябрь 1981 чылда, Петрозаводск) — ССРЭ-ни улусчу башкызы (1980), Карельск АССР-ниң алдарлыг школа башкызы (1964), РСФСР-ниң школаның алдарлыг башкызы (1973), Н. К. Крупской медаль-биле шаңнаткан (1978)[1].

Намдары[эдер | вики-сөзүглелди эдер]

Татьяна Фёдоровна 9 декабрь 1927 чылда көдээ суур Палтога Вытегорской район Вологодской область башкылар өг-бүлезинге төрүттүнген. Адазы — школа директору, акызы биле ийи угбалары — башкылар. 1944 чылда Вытегорскунуң педагогика училищезин дооскан база Псковск областың Пыталово хоорайга школага эге класстар башкылап ажылдап турган[1]. 1946—1950 чылдарда Вытегорской школага башкылап база пионервожатыйлап турган. 1950 чылдан Карелияга ажылдап турган, Олонецкой ортумак школазы — орус дыл биле чогаал башкызы, 1952 чылдан Петрозаводск хоорайның 30 дугаар ортумак школазынга ажылдап турган. Карельскиниң күрүне педагогика институду бот-өөредилгезинче кирген, 1956 чылда дооскан[1]. 1960—1966 чылдарда Суоярви хоорайның ортумак школазынга директорлап турган, ооң соонда Петрозаводск хоорайның № 8 дугаар школазынга завучтап ажылдап турган. 1967 чылдан Татьяна Фёдоровна Сепсякова петрозаводскунуң № 29 дугаар школазын удуртуп турган. Татьяна Фёдоровна 1977 чылда аспирантураны дооскан при Академии педагогика эртеминиң Академиязы ССРЭ база ол-ла чылда педагогика эртеминиң кандидады апарган[1].

Школаның бир дугаар директор албан-дужаал чылдарда ажылдааш Татьяна Фёдоровна школага кабинет системаны нептереткен, школа музейин чогаадыр эгелекчизи турган, школаның тудуг отряды тывылган, школа театыры тургускан. Семинарлар биле конференцияларга киржип турган, илеткелдер-биле чүве чугаалап турган. Эртем биле методиктиг ажылдар кылып турган, ол «Школа. Жизнь. Труд» номнуң автору болуп турар, педагогикага база периодиктиг парлалга чүүлдеринге 20 ажыг эртем ажылдарын парлап үндүрген турган[1].

Татьяна Фёдоровна Сепсякова — Карельск АССР школаның алдарлыг башкызы, РСФСР школаның алдарлыг башкызы, ССРЭ-ниң улусчу башкызы, Н. К. Крупской медаль-биле шаңнаткан.

Татьяна Фёдоровна 17 сентябрь 1981 чылда хай-халап түңнелинде чок болган.

1999 чылдан петрозаводскунуң № 29 дугаар школазы Татьяна Фёдоровна Сепсякованың ады-биле адаан, школа музейинде бир дугаар директор дугайында стендилерни каастаан, школа бажыңында тураскаал бижиктиг самбыра «Мында 1967 чылдан 1981 чылга чедир Сепсякова Татьяна Фёдоровна школа директорлап ажылдап турган, ССРЭ-ниң улусчу башкызы» бижик-биле тургускан.

Улай көр.[эдер | вики-сөзүглелди эдер]

Демдеглелдер[эдер | вики-сөзүглелди эдер]

Шөлүглер[эдер | вики-сөзүглелди эдер]