Стадник, Мария Васильевна

Википедия деп сайттан
Перейти к навигации Перейти к поиску

Мария Васильевна Стадник (азерб. Mariya Stadnik; 3 июня 1988(1988-06-03), Львов) — азербайджан (ооң мурнунда — украин) херээжен мөге, Пекинге Олимпий оюннарының хүлер медализи, 2012 чылда Лондонга Олимпий оюннарының мөңгүн медализи, 2016 чылда Олимпий оюннарының мөңгүн медализи, 2009 база 2019 чылдарда делегей чемпиону, Европаның 7 дакпыр чемпиону, Европа оюннарының ийи дакпыр чемпиону.

Украинадан Европа чемпиону, Пекинге Олимпий оюннарының мөңгүн медализи Андрей Стадник-биле өг-бүле туткан.

Карьеразы[эдер | вики-сөзүглелди эдер]

2006 чылда Мария Стадник Украина дээш хүрежип тургаш, Москвага болуп эрткен Европа чемпионадынга тиилээн, ынчалза-даа допинг дээш үндүрткен. 2007 чылда катап хүрежир эргелиг апарган, ынчалза-даа Украина дээш хүрежири болдунмайн барган, ынчангаш Азербайджанның ол чурт дээш хүрежир саналын хүлээп алган. Түңнелинде 2008 чылдың Олимпиадазынга Мария Стадник Украинадан Ирина Мерлени-биле 3-кү черге ийелээ турганнар.

2012 чылдың Лондонга Олимпий оюннарынга Стадник Мерлени-биле чартыкфиналга дужуп келгеш, ону тиилээш, финалче үне берген, аңаа япон мөге Хитоми Обарага октаткаш, мөңгүн медальга төлептиг болган.

Рио-де-Женейрога 2016 чылда Олимпий оюннарынга Мария Стадник финалга япон херээжен мөге Эри Тосакага уттургаш, база катап мөңгүн медаль алган[1]

2019 чылда Казахстанның Нур-Султанга Делегей чемпионадынга 50 килге чедир мөгелер аразынга чемпионнааш, Азербайджанга 2021 чылдың Олимпиадазынга киржир эргени чаалап берген.

Демдеглелдер[эдер | вики-сөзүглелди эдер]

  1. Azərbaycan Milli Olimpiya komandası üzvlərinin təltif edilməsi haqqında Azərbaycan Respublikası Prezidentinin Sərəncamı // Официальный интернет сайт Президента Азербайджанской Республики. — 2016.

Шөлүглер[эдер | вики-сөзүглелди эдер]

  • Мария Стадник — олимпийская статистика на сайте Sports-Reference.com (англ.)
  • Мария Стадник — профиль на сайте International Wrestling Database (англ.)