Сулеймание номнар саңы
«Сулеймания» номнар саңы (тур. Süleymaniye kütüphanesi, Сулеймание библиотеказы) — манускриптер шыгжаан библиотека. Турцияның Стамбул хоорайда Сулеймание мечетьтиң иштинче кирип турар. Ында VIII—XIX чүс чылдарда бижээн 73 муң документилер, 50 ажыг муң парлаттынган номнар чыындызын хостуг кирип номчуп, олар-биле таныжып болур[1][2].
Сулейманиени 1557 чылда тудуп дооскан. Баштай аңаа аңгылаан библиотека турбаан, ооң мурнунда медресе (шажынчы өөредилге чери) бүрүзүде аңгы номнар саңы турган. Чүгде XX чүс чылда тускай аңгылаан номнар саңы турар черни Сулеймание хүрээниң девискээринге тургузарын шиитпирлээн. 1924 чылда Сани медресе, Эввел медреселерниң база ооң чанында эге школа турган черин аңгы улуг номнар саңы кылдыр берипкен. 1961 чылда реставрация килдизи ажыттынган[2].
Библиотекада 73 муң документилер, 50 ажыг муң парлаттынган номнар, 94 муң хире вакуфтар чыындызы шыгжаттынып турар[2].
Библиотека хүнүң-не 9:00 шактан 19:00 шакка чедир ажык турар. Кирери халас, ынчалза-даа манускриптилер-биле ажылдаарда Турцияның Культура яамызының Библиотекалар талазы-биле кол эргелелинден тускай чөшээрел бижик херек[3][4].
2001 чылдан тура библиотеканың чыындызын электроннуг хевирже шилчидип турар, 2009 чылда 100 муң ажыг ажылдарны шилчиттирген[5].
Демдеглелдер[эдер | вики-сөзүглелди эдер]
- ↑ Татарстан и Турция. Архивное сотрудничество // Гасырлар авазы — Эхо веков : журнал. — 1999. — № 1/2. — ISSN 2073-7483. Архивировано из первоисточника 26 Бир айның 2012. Archived 2012-01-26 at the Wayback Machine
- ↑ 2,0 2,1 2,2 Allen Kent, Harold Lancour, Jay E. Daily. Encyclopedia of Library and Information Science. — Т. 31.
- ↑ Библиотека Сулеймание - Istanbul 2010. Архивтээн 2012 Беш айның 5.
- ↑ Süleymaniye Kütüphanesi // MyMerhaba. Архивтээн 2012 Беш айның 5.
- ↑ Much easier access to old manuscripts via the Internet // Today's Zaman. Архивтээн 2012 Беш айның 5.