ТАР-ның ажылчы чонунуң X дугаар улуг хуралы бир дугаар хуралдааны.

ТАР-ның ажылчы чонунуң X дугаар улуг хуралы бир дугаар хуралдааны. — (1941 чылдың 6 айның 22 хүнүнде кежээкиниң 7 шакта курунениң хөгжүм-шии театырынга болган)
Улуг-Хуралга ээлчег чок айтырыг дугайында эш Тока сөс алган.

Тока – эштер! ТАР-ның ажылчы чонунуң X дугаар Улуг Хуралы болза, бүгү делегейниң байдалы канчаар-даа аай-чок дүшкүүрлүг өйде ажыттынып турар-дыр. Бүгү делегейниң ажылчы чоннарының ада-чурту – Улуг Совет Социалистиг Республиканың Эвилелинче Герман фашизм калчаалыы-биле халдап, дайын биске чарлаанын радио биске дыңнаткан…

…Совет Социалистиг Республиканың Эвилели-биле Германия мооң мурнунда эп-тайбыңның керээлиг турган болгай. Совет Эвилели ол керээни хажык чокка боттандырып 4 шакта бүгү делегейниң ажылчы чоннарының ада чурту – Улуг Совет Эвилели-биле дайынны чарлаан-дыр…

Эштер! Улуг Совет Социалистиг Республикаларның ачы хавыяазы-биле … бистиң Тыва Арат Республика, ооң ажылчы чону империалистиг дайынның айыылындан дашкаар, өлүм-чидим, түрегдел деп чуве билбейн тайбың амыдыралда чурттап турар-дыр. Делегей байдалы мындыг болганда бистиң борта хүлээнип алыр сорулгаларарывыс болза … Улуг Совет Эвилели-биле чарган керээ хүлээлгевисти, ылангыя экспорттуң болгаш өске-даа чүүлдерниң талазы-биле чарган керээлеривисти долдур болгаш ажыр күүседири бистиң кол сорулгавыс болур. Улуг Совет Социалистиг Республиканың дайызынныранга өлүмнүг харыыны бээринге кезээде белен бис деп чүвени хуралдың мурнундан Советтиң чазаанга, намынга, сая-сая чонунга даңгыраглаар бис.

Улуг ССРЭ-ниң большевик намының, Советтиң чазааның, Улуг башкы Сталинниң удуртулгазы-биле чорааш, Герман фашизимни чылча шаварынга бичии-даа, улуг-даа, эр-даа, херээжен-даа кижилер чаңгыс-даа кижи артпайн амы-тынывысты хайыра чокка туржуурунга кезээде белен бис. 6 айнын 22 хүнүнде кежээкиниң 7 шакта күрүнениң хөгжүм-шии театрынга болган.