Тамдын-оол, Сарыглар Саятыевна

Сарыглар Саятыевна Тамдын-оол
Сарыглар Саятыевна Тамдын-оол
Төрүттүнген хүнү	1927 октябрьның 1
Мөчээн хүнү	2013 сентябрьның 10 (85 хар)

Сарыглар (Сесенмаа) Саяты уруу (Саятыевна) Тамдын-оол (01.10.1927 — 10.09.2013) — тыва башкы, педагог, Социалистиг Күш-ажылдың Маадыры.

Намдары[эдер | вики-сөзүглелди эдер]

1927 чылдың октябрь 1-де Тыва Арат Республиканың Барыын-Хемчки кожуунунуң Хөнделең сумузунга малчын улустуң өг-бүлезинге 8 уругнуң улуу кылдыр төрүттүнген.

Эге школаны дооскаш, Тыва ССРЭ-ниң составынче кирген соонда ортумак школаны, оон бот өөредилге-биле педагогикчиг училищени база Кызылда күрүнениң педагогика иснтситудун дооскан.

1947 чылдан 1997 чылга чедир Ак-Довурактың №1 ортумак шклазынга башкы кылдыр ажылдап чораан. Ооң иштинде 22 чыл Ак-Довурак хоорайның эге класстарының завуч кылдыр ажылдаан.

10 чыл ишти кожууннуң эге класстар башкыларының методиктиг каттыжыышкынын удуртуп чораан.

1997 чылдан тура пенсияда.

2013 чылдың сентябрь 10-да чок болган.

Шаңналдары, алдар ады[эдер | вики-сөзүглелди эдер]

1968 чылдың июль 1-де ССРЭниң Дээди Чөвүлелиниң Президиумунуң чарлыы-биле өөреникчилерни өөредиринге база коммунистиг кижизидилгеге улуг чедиишкиннери дээш Социалистиг Күш-ажылдың Маадыры деп атты Ленин ордени-биле кады тывыскан.

Литература[эдер | вики-сөзүглелди эдер]

Сарыглар Саятыевна Тамдын-оол // XX чүс чылда Тываның алдарлыг кижилери. Кызыл, 2004. А. 54.

Учитель герой : [Интервью с Героем Соц. труда, ветераном нар. образования С. С. Тамдын-оол / Вела И. Черкасова] // Слово. – 2002. – 28 сент-4 окт.
Тамдын-оол, С. С. Чуртталгамның оруу : сактыышкыннар / С. С. Тамдын-оол. – Кызыл, 2009. – 55 ар. : чур. ; 19,8 см. (Тамдын-оол, С. С. Мой жизненный путь : воспоминания).

Шөлүглер[эдер | вики-сөзүглелди эдер]