Теве

Википедия сайттан
Перейти к навигации Перейти к поиску
Теве
Drabař.jpg
Ийи мөгенниң теве
Эртемде классификациязы
Делегей чергелиг эртемде ады

Camelus bactrianus Linnaeus, 1758

Синонимнери
Camelus ferus Przewalski, 1878
Ареал
изображение
     черлик бактрианның чурттап турар черлери
Камгалал деңнели
Теве

Теве – теве малдың ниити ады.

Эртем талазы-биле алырга, ийи мөгенниг теве, азы бактриа́н (лат. Camelus bactrianus) – Camelidae деп аймактың эң улуг хевири-дир, ол ынчангаш Чаңгыс мөгенниг теве-биле кады Тевелер (лат. Camelus) деп төрелдешкээнге хамааржыр.

Чаңгыс мөгенниг теведен аңгыда, ийи мөгениг тевениң хемчээли база кили улуг болгаш ооң дүгү элээн сырый. Ол тевениң ийи хевири бот-боттарынга чоок амытаннар хевири болгаш, оларның холушкак төлдери кадык болгаш анаа болур.

Тывалап тевени ылгап адаары[эдер | вики-сөзүглелди эдер]

Теве – теве малдың ниити ады бооп эр малды база ынча дээр.

Эңгин – кыс теве, төрүүр теве.

Бодаган – тевениң оглу, назыны бир харга чедир. Карачал чугаада эр бодаган, кыс бодаган дээр.

Дорум – бир хар ажа бээрге, дорум апаар, ону ийи харга чедир эр дорум, кыс дорум дээр.

Тайлак – хунан чеде берген азы ийи хардан үш харга чедир назылыг, ынчангаш эр тайлак, кыс тайлак дээр.

Дуңгуш теве – ол дээрге үш харлыг болгаш бир-ле дугаар төрүүр теве. Адаар ылгалы мындыг: дуңгуш теве төрүптерге эңгин теве апаар азы оолдуг теве апаар.

Адан теве – назыны үш харлаан болгаш чазап каапкан теве болур.

Буура – назыны үш хар чеде берген болгаш чазаттынмаан үрелиг азы бүдүрүкчү мал болур. Бир кодан тевеге бир буура чоруур.

Чедишкен теве – дөрт хардан ыңай назылыг тевени чедишкен теве дээр.

Дөзү[эдер | вики-сөзүглелди эдер]

  1. Монгуш КЕНИН-ЛОПСАҢ: ТЫВА ЧАҢЧЫЛ. Тыва чоннуң ыдыктыг чаңчылдары. – Тувинские традиции. Книга вторая: священные традиции тувинского народа. – Кызыл: Тувинское отделение педагогического общества при Министерстве образования республики Тыва: Издательство “Новости Тувы”, 1999. На тувинском языке. 352 с.