Тыва Республиканың Чазааның Үрер хөгжүм оркестри
Тыва Республиканың Чазааның Үрер хөгжүм оркестри (орус. Духовой оркестр при Правительстве Республики Тыва) — Тыва Республиканың Чазааның доктаалы-биле тургустунган Үрер хөгжүм оркестри. Оркестрни 2008 чылдың март 24-те тургускан. Ынчалза-даа, оркестр ооң мурнунда-ла «Кызылдың А.Б. Чыргал-оол аттыг уран чүүл училищезиниң сургуулдарының Үрер хөгжүм оркестри» болуп алгаш, ойнап чоруп турганнар.
Оркестрниң составынче Кызылдың А.Б. Чыргал-оол аттыг уран чүүл училищезиниң (амгы үеде колледж) сургуулдары болгаш доозукчулары кирип турар. Оркестрниң кол дирижеру болгаш удуртукчузу — Тыва Республиканың алдарлыг артизи Тимур Дыртык-оолович Дүлүш. Оркестрниң киржикчилериниң чартык хуузу дээди эртемни чедип алганнар, а чамдыктары Кызылдың А.Б. Чыргал-оол аттыг колледжте база Культураның болгаш уран чүүлдүң Чөөн-Сибирь академиязында өөредилгезин уламчылап турарлар.
Ук оркестр үрер хөгжүм оркестрлериниң классиктиг репертуарларындан аңгыда, Тываның композиторларының чогаалдарын база күүседип турарлар, джаз болгаш эстрада хөгжүмнериниң амгы үеде угланыышкыннарын экспериментилеп ойнап турарлар. Күүселделериниң кол онзагайы болза, Россияның Үрер хөгжүм күүседир школаларының тергиин ёзу-чаңчылдарынга үндезилээн национал хевирлерлиг хөгжүм угланыышкынарының салдарында бооп турар.
Тыва Республиканың Чазааның Үрер хөгжүм оркестри (ТРЧ ҮХО) — Россияда чаңгыс аъттыг үрер хөгжүм бооп турар. 1929 чылда тургустунган Тываның Улус-Революстуг шерииниң аъттыг үрер хөгжүм оркестриниң ёзузун диргизип, аъттыг үрер хөгжүм оркестрин тургусканнар. ТРЧ ҮХО-нуң аъттыг оркестриниң баштайгы көргүзүү 2008 чылдың май 9-та, Тиилелге хүнүнде болган. Кызылдың чурттакчылары болгаш аалчылары аъттыг үрер хөгжүмнүң көргүзүүн улуг магадал-биле уткуп хүлээн. Ооң соонда аъттыг көргүзүглерни доктаамал эрттирип эгелээннер.
Шөлүглер
[эдер | вики-сөзүглелди эдер]- Тыва Республиканың Чазааның Үрер хөгжүм оркестриниң сайтызы Archived 2013-12-09 at the Wayback Machine
- Тыва Республиканың Чазааның Үрер хөгжүм оркестри. «Вконтакте»
Дөс
[эдер | вики-сөзүглелди эдер]- Духовой оркестр при Правительстве Республики Тыва Archived 2014-08-16 at the Wayback Machine – gov.tuva.ru
|
Бо дээрге белеткеп каан чүүл-дүр. Эдип база немеп тургаш, ук төлевилелге дузалап болур силер. |